'பையா 2' படத்தில் கார்த்தியும் இல்லை, தமன்னாவும் இல்லை.. லிங்குசாமி செம பிளான்..!
- IndiaGlitz, [Wednesday,February 01 2023]
பிரபல இயக்குனர் லிங்குசாமி இயக்கத்தில் உருவான ’பையா’ திரைப்படம் கலந்த 2010 ஆம் ஆண்டு வெளியாகி மிகப்பெரிய வரவேற்பு பெற்றது என்பதும் கார்த்தி மற்றும் தமன்னா நடித்த இந்த படம் வசூலை வாரி குவித்தது என்பது தெரிந்ததே.
இந்த நிலையில் 13 ஆண்டுகள் கழித்து இந்த படத்தின் இரண்டாம் பாகத்தை எடுக்க இயக்குனர் லிங்குசாமி திட்டமிட்டுள்ளதாகவும் ஆனால் அதே நேரத்தில் இரண்டாம் பாகத்தில் கார்த்தி மற்றும் தமன்னா இருவரும் இல்லை என்றும் அதற்கு பதிலாக புதிய நடிகர்களை நடிக்க வைக்க திட்டமிட்டுள்ளதாகவும் அவர் கூறியுள்ளார்.
’பையா’ படத்தின் இரண்டாம் பாகத்தில் ஆர்யா ஹீரோவாகவும் ஜான்விகபூரை நாயகியாகவும் நடிக்க வைக்க திட்டமிட்டுள்ளதாகவும் அவர் தெரிவித்துள்ளார். இது உண்மை என்றால் ஜான்விகபூர் இந்த படத்தின் மூலம் தமிழில் அறிமுகமாவார் என்று எதிர்பார்க்கப்படுகிறது.
ஏற்கனவே தென்னிந்திய சினிமாவில் நடிக்க ஜான்வி கபூர் விருப்பம் தெரிவித்திருந்த நிலையில் ’பையா 2’ படத்தின் மூலம் அவர் தமிழ் திரையுலகில் அறிமுகம் ஆவாரா? என்பதை பொறுத்திருந்து பார்ப்போம்.