தமிழ் சினிமாவின் முன்னணி இயக்குனர்களில் ஒருவரான லிங்குசாமி தனது அடுத்த பட அறிவிப்பை வெளியிட்டுள்ளார்

‘ஆனந்தம்’ என்ற திரைப்படத்தின் மூலம் இயக்குனராக அறிமுகமான லிங்குசாமி அதன்பின் ’ரன்’ ’பையா’, ’அஞ்சான்’ ’சண்டக்கோழி’ உள்ளிட்ட பல வெற்றித் திரைப்படங்களை இயக்கினார்

இந்த நிலையில் சமீபத்தில் அவர் ’சண்டக்கோழி 2’ படத்தை இயக்கிய நிலையில் தற்போது அடுத்த படம் குறித்த அறிவிப்பை வெளியிட்டுள்ளார். தமிழ் தெலுங்கு ஆகிய இரண்டு மொழிகளில் உருவாகவுள்ள லிங்குசாமியின் அடுத்த படத்தில் பிரபல தெலுங்கு நடிகர் ராம் பொத்தேனி ஹீரோவாக நடிக்க உள்ளார்.

இந்த படத்தை தெலுங்கு தயாரிப்பாளர் ஸ்ரீனிவாச சித்தூரி என்பவர் தயாரிக்கவுள்ளார் என்பது குறிப்பிடத்தக்கது இந்த படத்தின் படப்பிடிப்பு விரைவில் தொடங்க இருப்பதாகவும் இந்த படத்தில் நடிக்கும் மற்ற நடிகர், நடிகையர் மற்றும் தொழில்நுட்ப கலைஞர்கள் குறித்த தகவல்கள் விரைவில் வெளியாகும் என்றும் கூறப்படுகிறது