தமிழ் திரையுலகின் பிரபல இயக்குனர் லிங்குசாமியின் திருப்பதி பிரதர்ஸ் நிறுவனத்தின் மூலம் பல வெற்றித் திரைப்படங்கள் உருவாகி உள்ளது என்பது தெரிந்ததே. அந்த வகையில் இந்நிறுவனத்தின் தயாரிப்பில் உருவாகியிருக்கும் அடுத்த படம் குறித்த தகவல் தற்போது வெளிவந்துள்ளது.

லிங்குசாமி தயாரிப்பில் உருவாகியிருக்கும் அடுத்த திரைப்படம் ’நான்தான் சிவா’. கடந்த 2013ஆம் ஆண்டே தொடங்கப்பட்ட இந்த படம் பொருளாதார பிரச்சனை காரணமாக அவ்வப்போது நிறுத்தப்பட்டு தற்போது இந்த படம் முடிவடையும் நிலையில் உள்ளது. இந்த படத்தை ஆர் பன்னீர்செல்வம் என்பவர் இயக்கி வருகிறார். இந்த படத்திற்கு டி இமான் இசையமைத்துள்ளார்

இந்த நிலையில் இந்த படம் குறித்த புதிய அறிவிப்பு ஒன்றை திருப்பதி பிரதர்ஸ் நிறுவனம் அறிவித்துள்ளது. இந்த படத்தில் டி இமான் கம்போஸ் செய்த பாடல்கள் இன்று வெளியாக இருப்பதாக அறிவிக்கப்பட்டுள்ளது. இமானின் மெல்லிசை பாடல்களை கேட்க அனைத்து இசை ரசிகர்கள் காத்திருக்கின்றனர் என்பது குறிப்பிடத்தக்கது

லிங்குசாமியின் சகோதரர் சுபாஷ் சந்திரபோஸ் மகன் வினோத் நாயகனாகவும், அஷ்ரிதா ஷெட்டி நாயகியாகவும் நடித்துள்ள இந்த படத்தில் பிரசாந்த் நாராயணன் வில்லனாக நடித்துள்ளார். ராஜசேகர் ஒளிப்பதிவில் அந்தோணி படத்தொகுப்பில் இந்த படம் உருவாகியுள்ளது
 

All set to mesmerize you all with @immancomposer musical. #Naanthanshiva Music from today @SonyMusicSouth Directed by #RPannerselvam @dirlingusamy #Vinod pic.twitter.com/8z9ez7P4d8

— Thirrupathi Brothers (@ThirrupathiBros) May 20, 2020