బన్నితో సినిమా చేస్తున్నాను: లింగుస్వామి
- IndiaGlitz, [Sunday,February 26 2017]
పందెంకోడి సినిమాతో తెలుగు, త‌మిళంలో పెద్ద హిట్ కొట్టిన ద‌ర్శ‌కుడు ఎన్‌.లింగుస్వామి ద‌ర్శ‌క‌త్వంలో స్టైలిష్ స్టార్ అల్లుఅర్జున్ హీరోగా తెలుగు, త‌మిళంలో ఓ సినిమా తెర‌కెక్కాల్సింది. అయితే కార‌ణాలు తెలియ‌లేదు కానీ సినిమా వాయిదా ప‌డుతూ వ‌చ్చింది. చివ‌ర‌కు ఈ బ‌న్ని, లింగుస్వామి సినిమా ఆగిపోయింద‌ని వార్త‌లు వ‌చ్చాయి. ఈ వార్త‌ల‌న్నింటినీ ద‌ర్శ‌కుడు లింగుస్వామి ఖండించాడు. ఇందుకు ట్విట్ట‌ర్‌ను వేదిక‌గా చేసుకున్నాడు. ప్ర‌స్తుతం విశాల్ హీరోగా రూపొందిన పందెంకోడి చిత్రానికి సీక్వెల్‌ను తెర‌కెక్కించే ప్ర‌య‌త్నాల్లో ఉన్నాన‌ని, త్వ‌ర‌లోనే పందెంకోడి-2 సెట్స్‌లోకి వెళ్ళ‌నుంది. పందెంకోడి సీక్వెల్ పూర్త‌యిన త‌ర్వాతే బన్నితో సినిమా స్టార్ట్ అవుతుంద‌ని లింగుస్వామి..బ‌న్ని, తన కాంబినేషన్ మూవీ ఆగిపోలేద‌ని చెప్పేశాడు.