'కిరిక్ పార్టీ'తో క‌న్న‌డ నాట ఓవ‌ర్ నైట్ స్టార్ అయిపోయింది బెంగుళూరు బ్యూటీ ర‌ష్మిక మంద‌న్నా. ఆ సినిమా తెచ్చిన క్రేజ్‌తో తెలుగులో 'ఛ‌లో' సినిమా చేసే అవ‌కాశాన్ని అందిపుచ్చుకుంది ఈ ముద్దుగుమ్మ‌. ఎలాంటి అంచ‌నాలు లేకుండా వ‌చ్చిన ఛ‌లో.. బాక్సాఫీస్ వ‌ద్ద సంచ‌ల‌న విజ‌యం సాధించ‌డంలో ర‌ష్మిక కూడా ఓ కీల‌క పాత్ర పోషించింది. ఛ‌లో విజ‌యంతో.. ర‌ష్మిక‌కు వ‌రుస అవ‌కాశాలు వ‌స్తున్నాయి. వాటిలో ఒక‌టి.. నాగార్జున‌, నాని కాంబినేష‌న్‌లో రూపొందుతున్న మ‌ల్టీస్టార‌ర్ మూవీ.

ప్ర‌ముఖ నిర్మాత సి.అశ్వ‌నీద‌త్ నిర్మిస్తున్న ఈ చిత్రానికి శ్రీ‌రామ్ ఆదిత్య ద‌ర్శ‌క‌త్వం వ‌హిస్తున్నారు. ఆస‌క్తిక‌ర‌మైన విష‌య‌మేమిటంటే.. ఛ‌లో చిత్రానికి మ‌హ‌తి స్వ‌ర‌సాగ‌ర్ సంగీత‌మందిస్తే.. తాజాగా చేస్తున్న ఈ మ‌ల్టీస్టార‌ర్ మూవీకి మ‌హ‌తి తండ్రి, ప్ర‌ముఖ సంగీత ద‌ర్శ‌కుడు మ‌ణిశ‌ర్మ స్వ‌రాలందిస్తున్నారు. మ‌రి మ‌హ‌తి సంగీతంలో మంచి విజ‌యాన్ని న‌మోదు చేసుకున్న ర‌ష్మిక‌.. అత‌ని తండ్రి మ‌ణిశ‌ర్మ కాంబినేష‌న్‌లోనూ విజ‌యాన్ని అందుకుంటుందేమో చూడాలి.