ഈ. മാ .യൗ. ഉടൻ തന്നെ തീയേറ്ററുകളിൽ !
- IndiaGlitz, [Thursday,April 19 2018]
സംസ്ഥാന പുരസ്കാരം ലഭിച്ച ഈ. മാ .യൗ.ഒടുവിൽ റിലീസിനു ഒരുങ്ങുന്നു . ആഷിക് അബുവിന്റെ ഒപിഎം ഡ്രീം മിൽ സിനിമാസ് ഈ ചിത്രം മെയ് 4 ന് കേരളത്തിൽ റിലീസ് ചെയ്യും.
ലിജോ ജോസ് പെല്ലിശേരി സംവിധാനം ചെയ്ത ഈ ചിത്രം നിർമ്മിച്ചിരിക്കുന്നത് ആർജി.കെ. സിനിമാസിന്റെ ബാനറിൽ രാജേഷ് ജോർജ് കുളങ്ങരയാണ്.
തീരദേശ ജനവിഭാഗത്തെയും അവരുടെ ജീവിതത്തെയും ചുറ്റിപ്പറ്റിയാണ് ചിത്രത്തിന്റെ കഥ. സിനിമയുടെ പ്രധാന കഥ ഒരു ശവസംസ്കാര ചടങ്ങിനെയും തുടർന്നുള്ള സംഭവത്തെയും കേന്ദ്രികരിച്ചാണ് നടക്കുന്നത് .
ദേശീയ അവാർഡ് ജേതാവ് പി.എഫ്.മാത്യുസ് തിരക്കഥയൊരുക്കിയിരിക്കുന്ന സിനിമയുടെ പ്രധാന ലൊക്കേഷൻ ചെല്ലാനം എന്ന പ്രേദേശമാണ് . വിനായകൻ , ചെമ്പൻ വിനോദ് ജോസ്, ദിലീഷ് പോത്തൻ എന്നിവരാണ് ചിത്രത്തിലെ പ്രധാന കഥാപാത്രങ്ങൾ.