குற்றவாளி ஆசாராம் பாபுவுக்கு நீதிமன்றம் விதித்த அதிரடி தண்டனை
- IndiaGlitz, [Wednesday,April 25 2018]
உபி மாநிலத்தை சேர்ந்த சிறுமியை பாலியல் வன்கொடுமை செய்ததாக பிரபல வட இந்திய சாமியார் ஆசாராம்பாபு மீது பதிவு செய்யப்பட்ட வழக்கில் இன்று காலை தீர்ப்பு வெளிவந்தது. இந்த தீர்ப்பில் சாமியார் ஆசாராம் பாபு குற்றவாளி என திர்ப்பு அளிக்கப்பட்டது. மேலும் தண்டனை விபரம் மாலையில் அறிவிக்கப்படும் என கூறப்பட்டது.
இந்த நிலையில் சற்றுமுன் அவருக்கான தண்டனை விபரங்களை நீதிமன்றம் அறிவித்துள்ளது. இதில் சாமியார் ஆசாராம் பாபு சாகும் வரை சிறையில் இருக்கும் ஆயுள் தண்டனை வழங்கப்பட்டுள்ளது. மேலும் இந்த வழக்கில் சம்பந்தப்பட்ட இரண்டு குற்றவாளிகளுக்கு 20 ஆண்டுகள் சிறைத்தண்டனை வழங்கப்பட்டுள்ளது.
இந்த நிலையில் ஜோத்பூர் நீதிமன்ற நீதிபதியின் இந்த தீர்ப்பை எதிர்த்து உயர்நீதிமன்றத்தில் மேல்முறையீடு செய்ய உள்ளதாகவும், அதற்காக தீர்ப்பு விபரங்களை முழுவதுமாக படித்து வருவதாகவும் சாமியார் ஆசாராம் பாபுவின் ஆசிரம செய்தி தொடர்பாளர் சற்றுமுன் நிருபர்களிடம் தெரிவித்துள்ளார்.