தெலுங்கு சூப்பர் ஸ்டார் மகேஷ்பாபு நடிப்பில் ஏ.ஆர்.முருகதாஸ் இயக்கத்தில் உருவாகியுள்ள 'ஸ்பைடர்' திரைப்படம் வரும் தசரா திருநாளில் வெளியாகும் என்று எதிர்பார்க்கப்படும் நிலையில் சமீபத்தில் இந்த படத்தின் டீசர் வெளியானது. தமிழ், தெலுங்கு மொழிகளில் மட்டுமே இந்த படம் வெளியாகவுள்ள போதிலும், கரண்ஜோஹர் உள்பட பல அகில இந்திய திரையுலக பிரபலங்கள் இந்த டீசரை பார்த்து ஆச்சரியம் அடைந்து தங்கள் பாராட்டுக்களை தெரிவித்துள்ளனர்.

'ஸ்பைடர்' படத்தின் டீசர் வெளியான 48 மணி நேரத்தில் 9.6 மில்லியன் பார்வையாளர்களை பெற்றுள்ளது. மேலும் தென்னிந்திய அளவில், வெளியான 24 மணி நேரத்தில், அதிக பார்வையாளர்களை பெற்ற டீசரும் இதுதான். அஜித்தின் 'விவேகம்', ரஜினியின் 'கபாலி', விஜய்யின் 'பைரவா' படங்களின் டீசரை இந்த டீசர் பின்னுக்கு தள்ளிவிட்டது. அதேபோல் வசூலிலும் மற்ற படங்களின் சாதனையை பின்னுக்கு தள்ளிவிட்டு முதலிடம் பெறுமா? என்பதை பொறுத்திருந்து பார்ப்போம்

தென்னிந்தியாவில் முதல் 24 மணி நேரத்தில் அதிக பார்வையாளர்களை பெற்ற முதல் 10 டீசர்கள் இவைதான்:

1. ஸ்பைடர்: 6.3 மில்லியன்

2. விவேகம்: 6.09 மில்லியன்

3. கபாலி: 5.1 மில்லியன்

4. கட்டமராயுடு: 3.7 மில்லியன்

5. பைரவா: 2.85 மில்லியன்

6. எஸ் 3: 2.74 மில்லியன்

7. கைதி எண் 150: 2.7 மில்லியன்

8. DJ: 2.3 மில்லியன்

9. தெறி: 2.3 மில்லியன்

10. சாஹோ: 2.2 மில்லியன்