தளபதி விஜய் நடித்து வரும் ‘லியோ’ படத்தின் படப்பிடிப்பு அடுத்த மாதம் அதாவது ஜூன் மாதம் முடிவடைய இருப்பதாக தகவல் வெளியாகியுள்ளது.

தளபதி விஜய் நடிப்பில் இயக்குனர் லோகேஷ் கனகராஜ் இயக்கத்தில் அனிருத் இசையில் உருவாகி வரும் திரைப்படம் ‘லியோ’. இந்த படத்தின் படப்பிடிப்பு சென்னை, காஷ்மீர் உள்பட பல பகுதிகளில் நடந்து வந்தது என்பதும் தற்போது சென்னை பனையூர் அருகே இந்த படத்தின் முக்கிய காட்சிகளின் படப்பிடிப்பு நடைபெற நடைபெற்று வருவதாகவும் கூறப்பட்டுள்ளது.

இந்த நிலையில் இந்த படத்தின் கிளைமாக்ஸ் காட்சி ஹைதராபாத்தில் உள்ள ராமோஜிராவ் பிலிம் சிட்டியில் நடத்த திட்டமிடப்பட்டுள்ளதாகவும் அதற்கான செட் அமைக்கும் பணி தற்போது நடைபெற்று வருவதாகவும் கூறப்படுகிறது.

இந்த நிலையில் இந்த படத்தின் படப்பிடிப்பை ஜூன் மாதத்திற்குள் முடிக்க படக்குழு உறுதி செய்துள்ளதாக கூறப்படுகிறது. ஏற்கனவே அக்டோபர் 19 இந்த படத்தின் ரிலீஸ் தேதி என அறிவிக்கப்பட்டுள்ளதால் ஜூன் மாதம் படப்பிடிப்பை முடித்துவிட்டு அதன்பின்னர் 3 மாதங்களில் தொழில்நுட்பப் பணிகளை முடிக்க படக்குழு திட்டமிட்டுள்ளது.

இந்த நிலையில் தற்போது பனையூரில் நடைபெற்று வரும் படப்பிடிப்பில் விஜய், அர்ஜுன், மன்சூர் அலிகான் ஆகியோர் தொடர்பான காட்சிகள் படமாக்கப்பட்டு வருகிறது.

விஜய், த்ரிஷா, சஞ்சய்தத், பிரியா ஆனந்த், சாண்டி மாஸ்டர், மிஷ்கின், மன்சூர் அலிகான், மேத்யூ தாமஸ், கௌதம் மேனன் மற்றும் ஆக்சன் கிங் அர்ஜுன் ஆகியோர் உள்பட பலர் ‘லியோ’ படத்தில் நடித்து வருகின்றனர். இந்த படத்தை பெரும் பொருட்செலவில் லலித் தயாரித்து வருகிறார். பிலோமின் ராஜ் படத்தொகுப்பில், சதீஷ்குமார் கலை இயக்கத்தில், அன்பறிவ் ஸ்டண்ட் இயக்கத்தில், தினேஷ் நடன இயக்கத்தில் இந்த படம் உருவாகி வருகிறது.