'இவரை பாராட்டினால் லோகேஷ் என்னை திட்டுவார்.. 'லியோ' டெக்னீஷியன் குறித்து லலித்..!
- IndiaGlitz, [Monday,September 11 2023]
விஜய் சேதுபதி நடித்த ’மகாராஜா’ என்ற திரைப்படத்தின் பர்ஸ்ட் லுக் ரிலீஸ் விழாவில் கலந்து கொண்ட ‘லியோ’ தயாரிப்பாளர் லலித், இந்த படத்தை முதல் பாதி பார்த்து விட்டதாகவும், படம் சிறப்பாக வந்திருப்பதாகவும் தெரிவித்துள்ளார்.
விஜய்சேதுபதி நடிப்பில் உருவான ’மகாராஜா’ என்ற திரைப்படத்தின் பர்ஸ்ட் லுக் போஸ்டர் ரிலீஸ் விழா நேற்று சென்னையில் நடைபெற்றது. இந்த விழாவில் பல திரையுலக பிரபலங்கள் கலந்து கொண்ட நிலையில் தயாரிப்பாளர் லலித் கலந்து கொண்டார்.
இந்த விழாவில் லலித் பேசியபோது, ‘தனக்கு விஜய் சேதுபதியை நன்றாக தெரியும் என்றும், அவருடன் நான்கு படங்களில் பணிந்துள்ளேன் என்றும் தெரிவித்தார். இதையடுத்து தற்போது தயாரித்து வரும் ‘லியோ’ படத்தின் முதல் பாதியை பார்த்து விட்டதாகவும் அதன் பிறகு லோகேஷ்க்கு போன் செய்து, எடிட்டர் பிலோமின் மிகச் சிறப்பாக பணிபுரிந்து உள்ளார் என்றும் கூறினேன். ஆனால் அதற்கு அவர் இந்த படத்தின் டைரக்டர் நான், என்னை பாராட்டாமல், அவரை பாராட்டுகிறீர்கள் என்று என்னை திட்டினார் என்றும் நகைச்சுவையாக கூறினார்.
மேலும் ‘லியோ’ திரைப்படம் திட்டமிட்டபடி வரும் 19ஆம் தேதி வெளியாகும் என்றும் முன்பதிவு, இசை வெளியீட்டுக்கு பிறகு முன்பதிவு தொடங்கும் என்றும் அவர் செய்தியாளரிடம் தெரிவித்தார். தயாரிப்பாளர் லலித்தே எடிட்டர் பிலோமினை பாராட்டுவதில் இருந்து இந்த படத்தின் எடிட்டரின் பணி மிகவும் முக்கியத்துவமாக இருக்கும் என்று எதிர்பார்க்கப்படுகிறது.