தளபதி விஜய் நடிப்பில், இயக்குனர் லோகேஷ் கனகராஜ் இயக்கத்தில் உருவாகி வரும் ‘லியோ’ திரைப்படத்தின் படப்பிடிப்பு விறுவிறுப்பாக நடைபெற்று வருகிறது என்பதும் சமீபத்தில் இந்த படத்தின் 60 நாட்கள் காஷ்மீர் படப்பிடிப்பு முடிவடைந்த நிலையில் தற்போது சென்னையில் அடுத்த கட்ட படப்பிடிப்பு நடைபெற்று வருவதாகவும் தகவல்கள் வெளியாகி உள்ளன

இந்த படத்தின் படப்பிடிப்பு நடைபெற்றுக் கொண்டிருக்கும் போது இந்த படத்தின் வியாபாரம் நடந்தது என்றும் அது குறித்த தகவல்களும் கசிந்தது என்பதை பார்த்தோம். குறிப்பாக இதுவரை தமிழ் சினிமா கண்டிராத வகையில் மிக அதிக தொகைக்கு நெட்பிளிக்ஸ் இந்த படத்தின் டிஜிட்டல் உரிமையை வாங்கி உள்ளதாகவும் செய்திகள் வெளியானது.

இந்த நிலையில் தற்போது அடுத்த கட்டமாக ‘லியோ’ படத்தின் வெளிநாட்டு உரிமைகள் ரிலீஸ் குறித்த வியாபாரங்கள் தற்போது நடைபெற்று வருவதாகவும் ஒரு சில நாடுகளில் 'வாரிசு’ படத்தை விட இரு மடங்கு வியாபாரம் நடந்து வருவதாகவும் தகவல்கள் வெளியாகி உள்ளன. இந்த தகவல் விஜய் ரசிகர்களுக்கு பெரும் ஆச்சரியத்தை ஏற்படுத்தியுள்ளது. விஜய்யின் திரையுலக வரலாற்றில் அதிக பிசினஸ் செய்த படமாக ‘லியோ’ இருக்கும் என்று எதிர்பார்க்கப்படுகிறது.

விஜய், த்ரிஷா, சஞ்சய்தத், பிரியா ஆனந்த், சாண்டி மாஸ்டர், மிஷ்கின், மன்சூர் அலிகான், மேத்யூ தாமஸ், கௌதம் மேனன் மற்றும் ஆக்சன் கிங் அர்ஜுன் ஆகியோர் உள்பட பலர் நடித்து வரும் இந்த படத்தை பெரும் பொருட்செலவில் லலித தயாரித்து வருகிறார். அனிருத் இசையில் பிலோமின் ராஜ் படத்தொகுப்பில், சதீஷ்குமார் கலை இயக்கத்தில், அன்பறிவ் ஸ்டண்ட் இயக்கத்தில், தினேஷ் நடன இயக்கத்தில் இந்த படம் உருவாகி வருகிறது.