விஜய் பிறந்த நாளில் 'லியோ', 'தளபதி 68' அப்டேட்.. டபுள் விருந்துக்கு தயாரா?
- IndiaGlitz, [Thursday,June 08 2023]
தளபதி விஜய் பிறந்தநாள் ஜூன் 22ஆம் தேதி கொண்டாட இருக்கும் நிலையில் அன்றைய தினத்தில் ’லியோ’ படத்தின் அப்டேட் மற்றும் ’தளபதி 68’ படத்தின் அப்டேட் என இரண்டு விருந்துகள் கிடைக்க வாய்ப்பிருப்பதாக கூறப்படுவது விஜய் ரசிகர்கள் மத்தியில் பரபரப்பை ஏற்படுத்தி உள்ளது.
ஒவ்வொரு ஆண்டும் விஜய் பிறந்த தினமான ஜூன் 22 ஆம் தேதியில் அவரது ரசிகர்கள் மிகப்பெரிய அளவில் கொண்டாடி வருவார்கள் என்பது தெரிந்ததே. மேலும் விஜய் பிறந்தநாளில் அவர் நடித்து வரும் திரைப்படத்தின் அப்டேட்டுகள் வந்து கொண்டிருக்கின்றன என்பதை பார்த்து வருகிறோம்.
அந்த வகையில் ’லியோ’ படத்தின் கிளிம்ப்ஸ் வீடியோ ஜூன் 22ஆம் தேதி வெளியாக இருப்பதாகவும் இந்த வீடியோவுக்கு கமல்ஹாசன் பின்னணி குரல் கொடுத்துள்ளதாகவும் நம்பத்தகுந்த வட்டாரங்களிலிருந்து தகவல்கள் வெளியாகி உள்ளன.
அதுமட்டுமின்றி அன்றைய தினமே தளபதி விஜய் நடிப்பில் வெங்கட் பிரபு இயக்கத்தில் உருவாக இருக்கும் ’தளபதி 68’ படத்தின் டைட்டில் அறிவிப்பு வெளியாகும் என்றும் கூறப்படுகிறது. இதனை அடுத்து விஜய் பிறந்தநாளில் ரசிகர்களுக்கு இரட்டை விருந்து கிடைக்கும் என்று எதிர்பார்க்கப்படுகிறது.