கமல், ரஜினி படங்களை இயக்கிய பழம்பெரும் இயக்குனர் காலமானார்.
- IndiaGlitz, [Tuesday,October 24 2017]
ரஜினிகாந்த் நடித்த 'காளி', கமல்ஹாசன் நடித்த குரு' உள்பட பல தமிழ், மலையாளம் இந்தி படங்களை இயக்கிய பழம்பெரும் இயக்குனர் ஐ.வி.சசி காலமானார். அவருக்கு வயது 69
கேரள மாநிலம் கோழிக்கோடு என்ற நகரை சேர்ந்த இவர் கடந்த 1968ஆம் ஆண்டு 'கலியல்ல கல்யாணம்' என்ற படத்தை முதன்முதலில் இயக்கினார். இவர் இயக்கிய தமிழ் படங்களில் 'காளி', 'அலாவுதீனும் அற்புத விளக்கும்', 'பகலில் ஓர் இரவு', 'ஒரே வானம் ஒரே பூமி', 'குரு', 'எல்லாம் என் கைராசி', போன்ற படங்கள் நல்ல வெற்றியை பெற்றது.
இவரது பல படங்களில் நாயகியாக நடித்த நடிகை சீமாவை இவர் கடந்த 1980ஆம் ஆண்டு திருமணம் செய்து கொண்டார். இந்த நட்சத்திர தம்பதிக்கு அனு என்ற மகளும், அனி என்ற மகனும் உள்ளனர். அனி தற்போது ஒருசில படங்களில் நடித்து வருகிறார்
மறைந்த இயக்குனர் சசி அவர்களுக்கு திரையுலகினர் அஞ்சலி செலுத்தி வருகின்றனர்.