కొత్తవారితో వర్మ
- IndiaGlitz, [Monday,October 16 2017]
ల‌క్ష్మీస్ ఎన్టీఆర్ సినిమాతో మ‌రోసారి వార్త‌ల్లో వ్య‌క్తిగా నిలిచాడు రామ్‌గోపాల్ వర్మ. స్వ‌ర్గీయ ఎన్టీఆర్ బ‌యోపిక్‌ను రాజ‌కీయ ప్ర‌స్థానంలోని కోణంలో చూపెట్ట‌బోతున్నాడ‌న రామ్‌గోపాల్ వర్మ. అల్రెడి ఈ విష‌యంపై పలువురు రాజ‌కీయ నాయ‌కులు వ‌ర్మ‌పై కామెంట్స్ కూడా చేశారు. అయితే వర్మ ఎక్క‌డా త‌గ్గ‌లేదు. ఈ సినిమాలో ఎన్టీఆర్, ల‌క్ష్మీపార్వ‌తి పాత్ర‌ధారులు ఎవ‌రోన‌నే ఆస‌క్తి కూడా అంద‌రిలో క‌లిగింది. ప్ర‌కాష్ రాజ్ ఎన్టీఆర్, రోజా ల‌క్ష్మీ పార్వ‌తి పాత్ర‌ల్లో క‌న‌ప‌డ‌తార‌ని వార్త‌లు కూడా వినిపించాయి.
అయితే వర్మ ఈ వార్త‌ల‌న్నింటినీ వర్మ కొట్టి ప‌డేశాడు. కిల్లింగ్ వీర‌ప్ప‌న్‌, వంగ‌వీటి చిత్రాల్లో టైటిల్ పాత్ర‌ధారులు ఎలాగైఆతే అస‌లు పాత్ర‌ధారుల‌కు లుక్‌కు ద‌గ్గ‌ర‌గా క‌న‌ప‌డ్డారో అలాగే, ల‌క్ష్మీస్ ఎన్టీఆర్‌లో ఎన్టీఆర్, ల‌క్ష్మీపార్వ‌తి పాత్ర‌లు నిజ జీవితంలోకి లుక్‌కు ద‌గ్గ‌ర‌గా ఉంటాయ‌ట. అందుకోస‌మ‌ని కొత్తవారితో సినిమా చేయ‌డానికే వర్మ ఆస‌క్తి చూపి, అల్రెడి కొత్త న‌టీన‌టుల‌ను ఎంపిక చేసేశాడ‌ట వర్మ.