అక్షయ్‌కుమార్ హీరోగా రాఘవ లారెన్స్ దర్శకత్వంలో రూపొందుతోన్న చిత్రం ‘లక్ష్మీబాంబ్’. డ్యాన్సర్‌గా కెరీర్‌ను స్టార్ట్ చేసిన లారెన్స్ క్రమంగా దర్శకుడిగా మారారు. తెలుగు, తమిళ భాషల్లో పలు చిత్రాలను తెరకెక్కించారు. ముఖ్యంగా ఈయన తెరకెక్కించిన హారర్ కామెడీ చిత్రాల సిరీస్ ‘ముని’ ప్రేక్షకుల ఆదరణను పొందాయి. ఈ సిరీస్‌లో లారెన్స్ తెరకెక్కించిన ‘కాంచన’ చిత్రాన్నే ఇప్పుడు ‘లక్ష్మీబాంబ్‌‌’గా తెరకెక్కిస్తున్నారు. అక్షయ్ కుమార్, తుషార్ కపూర్, షబీనా ఖాన్ నిర్మాతలు. కియరా అద్వానీ హీరోయిన్‌గా నటిస్తోంది. ఇప్పుడు ఈ సినిమా విడుదల తేదీ ఖరారైంది. వచ్చే ఏడాది ఈద్ సందర్భంగా సినిమాను మే 22న సినిమాను విడుదల చేయబోతున్నారు. ట్రాన్స్‌జెండర్స్ ఎదుర్కొనే సమస్యలను బేస్ చేసుకుని ఈ సినిమాను లారెన్స్ తెరకెక్కించి తెలుగు, తమిళ భాషల్లో సక్సెస్ సాధించాడు. తమిళంలో ట్రాన్స్‌జెండర్ పాత్రను శరత్ ‌కుమార్ పోషించారు. హిందీలో అమితాబ్ బచ్చన్ ఆ పాత్రలో కనిపిస్తారని వార్తలు వినపడుతున్నాయి.

ప్రారంభంలోనే గొడవలు.. బాలీవుడ్ ఎంట్రీ ఇచ్చిన లారెన్స్ లక్ష్మీబాంబ్ చిత్రీకరణ స్టార్ట్ అయిన 10రోజులకే సినిమా నుండి డ్రాప్ అవుతున్నట్లు ప్రకటించాడు. త‌నకు చెప్ప‌కుండా సినిమా ఫ‌స్ట్ లుక్ విడుద‌ల చేయ‌డంపై కోప‌గించుకున్న లారెన్స్ ప్రాజెక్ట్ నుండి బ‌య‌ట‌కు వ‌చ్చేశాడు. చివ‌ర‌కు చిత్ర నిర్మాత‌లు చెన్నై వ‌చ్చి లారెన్స్‌తో మాట్లాడారు. చివ‌ర‌కు స‌మ‌స్య తీరిందంటూ లారెన్స్ మెసేజ్‌ను పోస్ట్ చేశాడు. తాను ల‌క్ష్మీబాంబ్ చిత్రాన్ని డైరెక్ట్ చేస్తున్న‌ట్లు స‌మ‌స్య ప‌రిష్కారంలో స‌హాయ‌ప‌డ్డ హీరో అక్ష‌య్‌కుమార్‌, స‌బీనా ఖాన్‌ల‌కు ఈ సంద‌ర్భంగా అక్ష‌య్‌కుమార్ థాంక్స్ కూడా చెప్పాడు. తెలుగు, తమిళ ప్రేక్షకులను హారర్ కామెడీ చిత్రాలతో ఆకట్టుకుంటోన్న లారెన్స్ బాలీవుడ్ ప్రేక్షకులను ఏ మేర మెప్పిస్తాడో తెలియాలంటే వచ్చే ఏడాది ఈద్ వరకు ఆగాల్సిందే.