నాగ్ అడ‌గాలే కానీ...ఏదైనా చేస్తానంటున్న భామ..?
- IndiaGlitz, [Monday,September 07 2015]
నాగ్ అడ‌గాలే కానీ...ఏదైనా చేస్తాననే భామ‌లు చాలా మంది ఉంటారు. ఎందుకంటే లేడీస్ లో నాగ్ కు ఉన్న ఫ్యాన్ ఫాలోయింగ్ అలాంది. అయితే ఈసారి నాగ్ కోసం ఏదైనా చేస్తానంటున్న భామ ఎవ‌ర‌నుకుంటున్నారా...? ఆమె ఎవ‌రో కాదు అందాల రాక్ష‌సి ఫేం లావ‌ణ్య త్రిపాఠి. నాగ్ కోసం ఏదైనా చేస్తానంటున్నావ్...ఏమిటి విష‌యం అని అడిగితే....నేను నాగ్ వీరాభిమానిని అంటోంది.
ఉత్త‌ర‌ఖాండ్ పుట్టి పెరిగిన నువ్వు నాగ్ వీరాభిమానివి ఎలా...? అంటే నాగ్ న‌టించిన చిత్రాలు హిందీలో డ‌బ్ అయ్యేవి. అవి చూసి నాగ్ ఫాన్ అయిపోయాను. అందుక‌నే నాగ్ మనం చిత్రంలో చిన్న పాత్రే అయినా స‌రే...అడిగిన వెంట‌నే ఓకే అనేసాను. ఇప్పుడు నాగ్ స‌ర‌స‌న సోగ్గాడే చిన్ని నాయ‌న చిత్రంలో న‌టించ‌డం చాలా సంతోషంగా ఉంది. అస‌లు నాగ్ స‌ర‌స‌న న‌టిస్తాన‌ని క‌ల‌లో కూడా అనుకోలేదు. అందుక‌నే త‌న‌తో న‌టించే అవ‌కాశం ఇచ్చిన నాగ్ కోసం ఏదైనా చేస్తానంటుంది లావ‌ణ్య. ఇంత‌కీ నాగ్ ఏం అడుగుతాడో...ఈమె ఏం చేస్తుందో చూద్దాం.