చాటుగా నవ్వుకుంటున్నారు..
- IndiaGlitz, [Friday,July 14 2017]
మదరాసపట్టణం అనే తమిళ సినిమాతో హీరోయిన్‌గా ఎంట్రీ ఇచ్చిన ఎమీ జాక్సన్‌ ఆ తర్వాత చాలా సినిమాల్లో నటించింది. విక్రమ్‌, శంకర్‌ల 'ఐ' చిత్రం ఆమెకు గ్లామర్‌ పరంగా మంచి పేరు తెచ్చింది. లేటెస్ట్‌గా రజనీకాంత్‌తో శంకర్‌ చేస్తున్న '2.0' చిత్రంలో కూడా ఎమీ జాక్సన్‌ నటిస్తోంది. ఈ చిత్రం షూటింగ్‌ పూర్తయి చాలా రోజులు అవుతున్నా ఆమెకు అవకాశాలు అరకొరగానే వస్తున్నాయి. ప్రస్తుతం ఓ ఇంగ్లీష్‌ చిత్రంలో నటిస్తోంది ఎమీ. ఈమధ్య మోహన్‌లాల్‌ హీరోగా నటిస్తున్న మలయాళ సినిమా 'ది విలన్‌'లో ఓ పాత్ర చేయడానికి అంగీకరించింది ఎమీ.
ఇక అక్కడి నుంచి సోషల్‌ మీడియాలో ఆమెపై రకరకాల కామెంట్లు చేస్తూ ఓ మాదిరి హీరోయిన్లు కూడా నవ్వుకుంటున్నారట. అందుకు కారణం ఎమీనే అని తెలుస్తోంది. వరసగా శంకర్‌తో రెండో సినిమా చేస్తూ, రజనీకాంత్‌ సరసన హీరోయిన్‌గా నటిస్తున్న ఎమీ.. ఇంగ్లీష్‌ మూవీ కూడా చేస్తోంది. అలాంటిది మోహన్‌లాల్‌ సినిమాలో చాలా తక్కువ రెమ్యునరేషన్‌కి ఒప్పుకుందట. ఎమీ చర్యకు షాక్‌ అయిన చిన్న హీరోయిన్లు.. అంత తక్కువ రెమ్యునరేషన్‌ మేము కూడా తీసుకోమని, ఎమీకి ఏమైంది? ఎందుకిలాంటి నిర్ణయం తీసుకుందని కామెంట్స్‌ చేస్తూ ఆమె తీసుకున్న పారితోషికాన్ని గుర్తు తెచ్చుకొని మరీ నవ్వుకుంటున్నారట.