உதயநிதியின் 'கெத்து' படம் குறித்த புதிய தகவல்கள்
- IndiaGlitz, [Tuesday,October 13 2015]
ஒருகல் ஒருகண்ணாடி', இது கதிர்வேலன் காதலன்' மற்றும் 'நண்பேண்டா' படங்களில் நடித்த உதயநிதி ஸ்டாலின் தற்போது நடித்து வரும் படம் 'கெத்து'. இந்த படத்தின் படப்பிடிப்பு சமீபத்தில் கோவாவில் 16 நாட்கள் நடைபெற்றது. இந்த படப்பிடிப்பில் உதயநிதி-விக்ராந்த் நடித்த காட்சிகளின் படப்பிடிப்பு நடைபெற்றுள்ள நிலையில் இந்த படத்தின் வசனக்காட்சிகளின் படப்பிடிப்பு முடிவடைந்துவிட்டதாகவும், இன்னும் இரண்டு பாடல்களின் படப்பிடிப்பு முடிவடைந்தவுடன் இந்த படத்தின் படப்பிடிப்பு முற்றிலும் முடிந்துவிடும் என்றும் கூறப்படுகிறது.
ஐதராபாத்தில் உள்ள 'பாத்ரா கோட்டையில் ஒரு பாடலையும், உலகிலேயே மிக அதிகமாக மழை பொழியும் இடமான சிரபுஞ்சியில் ஒரு பாடலையும் படப்பிடிப்பு நடத்த படக்குழுவினர் திட்டமிட்டுள்ளதாக தெரிகிறது. மேலும் இந்த படம் வரும் டிசம்பர் 18ஆம் தேதி ரிலீஸ் ஆகும் என கூறப்படுகிறது. இருப்பினும் ரிலீஸ் தேதி இன்னும் படக்குழுவினர்களால் உறுதி செய்யப்படவில்லை.
உதயநிதி ஸ்டாலின், எமிஜாக்சன், விக்ராந்த், சத்யராஜ், கருணாகரன் உள்பட பலர் நடித்துள்ள இந்த படத்தை திருக்குமரன் இயக்கி வருகிறார். ஹாரீஸ் ஜெயராஜ் இசையமைத்துள்ள இந்த படத்திற்கு சுகுமார் ஒளிப்பதிவும், ராஜாமோகன் படத்தொகுப்பும் செய்துள்ளனர். ரெட்ஜெயண்ட் மூவீஸ் நிறுவனம் இந்த படத்தை தயாரித்துள்ளது.