మెగాస్టార్ చిరంజీవి 152వ చిత్రం ‘ఆచార్య‌’ ఇంకా సెట్స్‌పైనే ఉంది. మ‌రో ప‌క్క చిరంజీవి 153వ సినిమాకు సంబంధించిన చ‌ర్చ‌లు జోరుగా సాగుతున్నాయి. మ‌ల‌యాళంలో సూప‌ర్‌స్టార్ మోహ‌న్‌లాల్ న‌టించిన లూసిఫ‌ర్ చిత్రాన్ని తెలుగులో చిరంజీవితో రీమేక్ చేయాల‌నుకుంటున్నాడు. ఈ చిత్రాన్ని కూడా రామ్‌చ‌ర‌ణ్ నిర్మించ‌నున్నారు. కాగా..ఈ సినిమాను ఎవ‌రు డైరెక్ట్ చేస్తార‌నే టాక్ న‌డిచింది. కొన్ని రోజుల ముందు వ‌ర‌కు చిరు 153ని సుకుమార్ డైరెక్ట్ చేస్తాడ‌ని వార్త‌లు వినిపించాయి. కానీ బ‌న్నీ సినిమాతో సుకుమార్ బిజీగా ఉండ‌టం వ‌ల్లే వి.వి.వినాయ‌క్ ఈ సినిమాను డైరెక్ట్ చేస్తాడ‌ని వార్త‌లు వినిపించాయి.

అయితే లేటెస్ట్ సినీ వ‌ర్గాల స‌మాచారం మేర‌కు ఓ ప‌క్క చిరు లూసిఫ‌ర్ సినిమా క‌థ‌తో పాటు కొత్త క‌థ‌ను విన్నాడ‌ట‌. సినిమా చూపిస్త‌మావ‌, నేను లోక‌ల్ చిత్రాల ర‌చ‌యిత ప్ర‌స‌న్న‌కుమార్ రాసిన క‌థ చిర‌జీవికి బాగా న‌చ్చింద‌ట‌. ఆ సినిమాను త‌న 153గా చేస్తే బావుంటుంద‌ని కూడా చిరు భావిస్తున్నాడ‌ట‌. ప్ర‌స్తుతం వినాయ‌క్ ద‌గ్గ‌ర చిరు 153కి సంబంధించి రెండు ఆప్ష‌న్స్ ఉన్నాయి. అంతా ఓకే అయితే జూన్ కంతా సినిమా షూటింగ్‌ను స్టార్ట్ చేసి ఈ ఏడాది చివ‌ర‌లోనే చిరు త‌న 153 చిత్రాన్ని విడుద‌ల చేయాల‌ని అనుకుంటున్నాడ‌ట‌. మ‌రి త‌ద‌నంత‌ర ప‌రిస్థితులు ఎలా ఉంటాయో వేచి చూడాలి.