தனுசின் 'தங்கமகன்' வியாபாரம் தொடங்கியது
- IndiaGlitz, [Monday,October 19 2015]
தனுஷ் நடித்த 'தங்க மகன்' திரைப்படத்தின் படப்பிடிப்பு சமீபத்தில் முடிவடைந்து தற்போது போஸ்ட் புரடொக்ஷன்ஸ் பணிகள் விறுவிறுப்பாக நடைபெற்று வரும் நிலையில் இந்த படத்தின் வியாபாரம் குறித்து ஒருசில தகவல்கள் வெளிவந்துள்ளது.
விஜய் ஆண்டனி நடித்த 'சலீம்' படத்தை தயாரித்த நிறுவனங்களில் ஓன்றான ஸ்ரீ க்ரீன் புரடொக்ஷன்ஸ் நிறுவனம், 'தங்கமகன்' படத்தின் ரிலீஸ் உரிமையை பெற பேச்சுவார்த்தை நடத்தி வருவதாகவும், விரைவில் இதுகுறித்த அதிகாரபூர்வமான அறிவிப்பு வெளிவரும் என கூறப்படுகிறது.
'வேலையில்லா பட்டதாரி' பட இயக்குனர் வேல்ராஜ் இயக்கியுள்ள இந்த படத்தில் தனுஷ், சமந்தா, எமிஜாக்சன், சதீஷ், ராதிகா, கே.எஸ்.ரவிகுமர் உள்பட பலர் நடித்துள்ளனர்.
அனிருத் இசையமைத்து வரும் இந்த படத்தை தனுஷின் வொண்டர்பார் பிலிம்ஸ் நிறுவனம் தயாரித்துள்ளது.