గౌతమీపుత్ర శాతకర్ణి లేటెస్ట్ అప్ డేట్..!
- IndiaGlitz, [Monday,August 29 2016]
నంద‌మూరి న‌ట‌సింహం బాల‌కృష్ణ న‌టిస్తున్న వంద‌వ చిత్రం గౌతమీపుత్ర శాతకర్ణి. ఈ చిత్రాన్ని జాగ‌ర్ల‌మూడి రాధాకృష్ణ (క్రిష్) తెర‌కెక్కిస్తున్నారు. రాజీవ్ రెడ్డి, క్రిష్ సంయుక్తంగా ఈ భారీ చిత్రాన్ని నిర్మిస్తున్నారు. ఈ చిత్రంలో బాల‌య్య స‌ర‌స‌న శ్రియ న‌టిస్తుంది. ఇప్ప‌టి వ‌ర‌కు జార్జియా, హైద‌రాబాద్ ప‌రిస‌ర ప్రాంతాల్లో షూటింగ్ జ‌రుపుకుంది.
ఇటీవ‌ల డైరెక్ట‌ర్ క్రిష్ పెళ్లి కార‌ణంగా కాస్త గ్యాప్ తీసుకున్న గౌతమీపుత్ర శాతకర్ణి చిత్రం షూటింగ్ ఈరోజు నుంచి తాజా షెడ్యూల్ ప్రారంభ‌మైంది. ఈరోజు నుంచి మ‌ధ్య‌ప్ర‌దేశ్ లో తాజా షెడ్యూల్ ప్రారంభించారు. బాల‌కృష్ణ మ‌రి కొంత మంది ముఖ్య‌తారాగ‌ణం పై కీల‌క స‌న్నివేశాల‌ను చిత్రీక‌రించ‌నున్నారు. ఈ ప్ర‌తిష్టాత్మ‌క చిత్రానికి చిరంతాన్ భ‌ట్ సంగీతం అందిస్తున్నారు. కంచె ఫేమ్ చిరంతాన్ భ‌ట్ సంగీతం అందిస్తున్న ఈ భారీ చిత్రాన్ని సంక్రాంతి కానుక‌గా రిలీజ్ చేయ‌నున్నారు.