இளையதளபதி விஜய் நடித்து வரும் 'தெறி' படத்தின் படப்பிடிப்பு கிட்டத்தட்ட முடிந்த்விட்டதாகவே படக்குழுவினர்களிடம் இருந்து தகவல்கள் வெளிவந்துள்ளது. பொங்கல் தினத்தில் கூட விடுமுறை எடுக்காமல் விஜய் உள்பட படக்குழுவினர் ஒரு பாடலின் படப்பிடிப்பை நடத்தியதாக தகவல்கள் வெளிவந்துள்ளது.

இந்த பாடலில் விஜய் வேஷ்டி சட்டை மற்றும் தொப்பி அணிந்து ஒரு பாடலுக்கு நடனம் ஆடியதாகவும், இந்த பாடலின் படப்பிடிப்பு மிக பிரமாண்டமான செட் ஒன்றில் பொங்கல் தினத்தில் நடைபெற்றதாகவும் இத்துடன் இந்த படத்தின் படப்பிடிப்பு கிட்டத்தட்ட முடிந்துவிட்டதாகவும் படக்குழுவினர் தெரிவித்துள்ளனர். விஜய் வேஷ்டி, சட்டை மற்றும் தொப்பியுடன் கூடிய ஸ்டில்கள் தற்போது சமூக வலைத்தளங்களில் வலம் வந்து கொண்டிருக்கின்றது.

விஜய், சமந்தா, எமிஜாக்சன், ராதிகா, மகேந்திரன் உள்பட பலர் நடித்து வரும் இந்த படத்திற்கு ஜி.வி.பிரகாஷ் இசையமைத்து வருகிறார். ராஜா ராணி' இயக்குனர் அட்லி இயக்கும் இந்த படத்தை பெரும்பொருட்செலவில் கலைப்புலி எஸ்.தாணு தயாரித்து வருகிறார்.