యంగ్ టైగ‌ర్ ఎన్టీఆర్ జ‌న‌తా గ్యారేజ్ త‌ర్వాత ఏ సినిమా చేయ‌నున్నాడు అనే విష‌యం పై గ‌త కొన్ని రోజులుగా వార్త‌లు వ‌స్తూనే ఉన్నాయి. వ‌క్కంతం వంశీ, పూరి జ‌గ‌న్నాథ్, త్రివిక్ర‌మ్ శ్రీనివాస్, అనిల్ ర‌విపూడి, చందు మొండేటి...ఇలా చాలా మంది ద‌ర్శ‌కుల పేర్లు తెర పైకి వ‌చ్చిన‌ప్ప‌టికీ...ఎవ‌రికీ గ్రీన్ సిగ్న‌ల్ ఇవ్వ‌లేదు.

ఫైన‌ల్ గా ప‌వ‌ర్, స‌ర్ధార్ గ‌బ్బ‌ర్ సింగ్ చిత్రాల ద‌ర్శ‌కుడు బాబీ చెప్పిన క‌థ‌కి ఎన్టీఆర్ ఓకే అన్నట్టు తెలిసింది. అయితే...ఈ మూవీకి సంబంధించి కొత్త క‌బురు ఏమిటంటే...ఈ చిత్రంలో ఎన్టీఆర్ ద్విపాత్రాభిన‌యం చేయ‌బోతున్నార‌ట‌. ఈ భారీ చిత్రాన్ని ఎన్టీఆర్ ఆర్ట్స్ బ్యాన‌ర్ పై నంద‌మూరి క‌ళ్యాణ్ రామ్ నిర్మించ‌నున్నారు. ఈనెల‌ ప్ర‌ధమార్ధంలో పూజా కార్య‌క్ర‌మాలు ప్రారంభించి జ‌న‌వ‌రి నుంచి రెగ్యుల‌ర్ షూటింగ్ ప్రారంభించేందుకు ప్లాన్ చేస్తున్న‌ట్టు స‌మాచారం.