జనవరి 20న లారెన్స్ 'శివలింగ' ఆడియో విడుదల
- IndiaGlitz, [Sunday,January 15 2017]
కొరియోగ్రాప‌ర్‌, డైరెక్ట‌ర్, హీరోగా త‌న‌దైన గుర్తింపు తెచ్చుకున్న లారెన్స్ హీరోగా పి.వాసు ద‌ర్శ‌క‌త్వంలో భారీ బడ్జెట్ తో అభిషేక్ ఫిలింస్ పతాకంపై రమేష్ పి. పిళ్లై శివలింగ ను తెరకెక్కిస్తున్న చిత్రం 'శివలింగ'.రితిక హీరోయిన్‌గా న‌టిస్తుంది. కన్నడ సూప‌ర్‌స్టార్ శివ‌రాజ్‌కుమార్ న‌టించిన కన్నడ సూప‌ర్‌హిట్ మూవీ శివలింగ రీమేక్‌గా ఈ చిత్రం రూపొందుతోంది. ఎస్.ఎస్. థమన్ సంగీతాన్ని అందించిన ఈ సినిమా ఆడియో విడుదల కార్య‌క్ర‌మాన్ని జనవరి 20న విడుదల చేస్తున్నారు. ఈ సంద‌ర్భంగా....
ఈ సందర్బంగా నిర్మాత మాట్లాడుతూ- ''కథే హీరోగా కన్నడ లో బ్లాక్ బస్టర్ అయిన చిత్రం 'శివలింగ '. పి.వాసు గారి చంద్రముఖి, లారెన్స్ కాంచన , గంగ చిత్రాలను మించిన కథ, కథనాలతో హార్రర్ ఎంటర్ టైనర్ గా శివలింగ తెరకెక్కుతోంది.చిత్రీకరణ పూర్తయింది.నిర్మాణాంతర కార్యక్రమాలు జరుగుతున్నాయి. తమన్ సంగీతాన్ని అందించిన ఈ సినిమా ఆడియో రిలీజ్‌ను జనవరి 20న విడుదల చేస్తున్నాం. ఈ కార్య‌క్ర‌మానికి సినీ రంగానికి చెందిన ప‌లువురు ప్ర‌ముఖులు హాజ‌ర‌వుతున్నారు. అలాగే ఫిబ్రవరి లో సినిమాను విడుదల చేయ‌డానికి స‌న్నాహాలు చేస్తున్నాం. ర్రర్ కాన్సెప్ట్ ల పరంగా శివలింగ నెక్ట్స్ లెవెల్ లొ ఉండే చిత్రమని అన్నారు.
రాఘ‌వ‌లారెన్స్‌, రితిక సింగ్‌, వ‌డివేలు, శ‌క్తివాసు, రాధార‌వి, జ‌య‌ప్ర‌కాష్‌, ప్ర‌దీప్ రావ‌త్ త‌దిత‌రులు న‌టిస్తున్న ఈ చిత్రానికి సినిమాటోగ్ర‌ఫీః స‌ర్వేష్ మురారి. మ్యూజిక్ః ఎస్.ఎస్.థమన్, సాహిత్యంః రామ‌జోగ‌య్య శాస్త్రి, ఆర్ట్ః దురైరాజ్‌, ఫైట్స్ః అన‌ల్ అర‌సు, దినేష్‌, ఎడిటింగ్ః సురేష్‌.