'லால் சலாம்' சக்சஸ் மீட்.. முக்கியமான ரெண்டு பேரை காணவில்லையே
- IndiaGlitz, [Friday,February 23 2024]
சூப்பர் ஸ்டார் ரஜினிகாந்த் நடித்த ’லால் சலாம்’ திரைப்படம் சமீபத்தில் வெளியான நிலையில் இந்த படத்தின் சக்சஸ் மீட் தற்போது நடந்துள்ளது. ஆனால் இந்த படத்தில் நடித்த இரண்டு முக்கிய பிரபலங்கள் இந்த சக்சஸ் மீட்டுக்கு வரவில்லை என்றும் கூறப்படுகிறது.
சூப்பர் ஸ்டார் ரஜினிகாந்த் நடிப்பில், ஐஸ்வர்யா ரஜினிகாந்த் இயக்கத்தில், ஏஆர் ரகுமான் இசையில், லைகா நிறுவனத்தின் பிரமாண்டமான தயாரிப்பில் உருவான திரைப்படம் ’லால் சலாம்’.
இந்த படம் மிகப்பெரிய எதிர்பார்ப்பை ஏற்படுத்தி இருந்த நிலையில் இந்த படம் சுமாரான வரவேற்பை பெற்றது என்பதும் ரஜினி ரசிகர்கள் மத்தியில் கூட இந்த படம் மிகப்பெரிய அளவில் வரவேற்பை பெறவில்லை என்றும் கூறப்பட்டது.
ஐஸ்வர்யா ரஜினிகாந்த்தின் குழப்பமான திரைக்கதை, ஏஆர் ரகுமானின் சுமாரான பாடல்கள் மற்றும் பின்னணி இசை ஆகியவை இந்த படத்தின் மைனஸ்களாக கூறப்பட்ட நிலையில் ரஜினிகாந்த் கேரக்டர் மட்டுமே ஓரளவு பிளஸ் ஆக இந்த படத்தில் இருந்ததாக விமர்சனங்கள் தெரிவித்தன.
இந்த நிலையில் இன்று இந்த படத்தின் சக்சஸ் மீட் நடந்த நிலையில் இதில் ரஜினிகாந்த், ஐஸ்வர்யா ரஜினிகாந்த், ஏ ஆர் ரகுமான் உள்பட படக்குழுவினர் கலந்து கொண்டனர். ஆனால் படத்தில் இரண்டு முக்கிய கேரக்டரில் நடித்த விஷ்ணு விஷால் மற்றும் விக்ராந்த் ஆகிய இருவரும் இந்த சக்சஸ் மீட்டில் கலந்து கொள்ளவில்லை என்பது லைக்கா நிறுவனம் வெளியிட்ட புகைப்படத்தில் இருந்து தெரிய வருகிறது.
மக்களின் பேரன்பிற்கும், பேராதரவிற்கும் நன்றி!!! 🙏🏻😇 Successful 2 weeks of LAL SALAAM, into the 3rd week today! 📽️✨#LalSalaam 🫡 Running Successfully 💥📽️@rajinikanth @ash_rajinikanth @arrahman @TheVishnuVishal @vikranth_offl @Ananthika108 @LycaProductions #Subaskaran… pic.twitter.com/fcCdDYDmMu
— Lyca Productions (@LycaProductions) February 23, 2024