'ల‌క్ష్మీస్ ఎన్టీఆర్' విడుద‌ల ఎప్పుడంటే?
- IndiaGlitz, [Tuesday,February 19 2019]
దివంగ‌త మాజీ ముఖ్య‌మంత్రి ఎన్టీఆర్ జీవితంపై మూడు బయోపిక్స్ సిద్ధ‌మ‌వుతున్నాయి. అందులో ఒక‌టి రామ్‌గోపాల్ వ‌ర్మ రూపొందిస్తోన్న ల‌క్ష్మీస్ ఎన్టీఆర్ అంద‌రిలో ఆస‌క్తిని రేకెత్తిస్తుంది.
ఎందుకంటే.. ఎన్టీఆర్ రాజకీయ జీవితంలో ఆయన ల‌క్ష్మీ పార్వ‌తిని పెళ్లి చేసుకోవ‌డం, త‌ర్వాత కుటుంబ స‌భ్యులే ఆయ‌న‌కు వ్య‌తిరేకంగా మారి ఆయ‌న్ని ముఖ్య‌మంత్రి ప‌ద‌వి నుండి తొల‌గించ‌డం అన్నీ ఈ సినిమాను చూపించ‌బోతున్నారు.
రాకేష్ రెడ్డి, దీప్తి బాల‌గిరి నిర్మాత‌లుగా, రామ్‌గోపాల్ వ‌ర్మ, అగ‌స్త్య మంజు ఈ చిత్రాన్ని తెర‌కెక్కించారు. రీసెంట్‌గా విడుద‌లైన ఈ సినిమా ట్రైల‌ర్ కోటి వ్యూస్‌ను రాబ‌ట్టుకోవ‌డం విశేషం. సినిమా ఎప్పుడు విడుద‌ల‌వ‌తుంద‌నే దానిపై అంద‌రిలో ఆస‌క్తి నెల‌కొంది. వివ‌రాల ప్ర‌కారం సినిమా మార్చి రెండో వారంలో విడుద‌ల‌య్యే అవ‌కాశాలున్నాయ‌ట.