అనుకున్న‌ట్లే అయ్యింది. దివంగ‌త నేత ఎన్టీఆర్ జీవితంలో చ‌ర‌మాంక ద‌శ‌లో ఎదుర్కొన్న రాజ‌కీయ ఆటు పోట్ల‌ను, ల‌క్ష్మీ పార్వ‌తిని పెళ్లి చేసుకున్న త‌ర్వాత ఆయ‌న జీవితంలో చోటు చేసుకున్న ప‌రిణామాల‌ను దృష్టిలో పెట్టుకుని రాంగోపాల్ వ‌ర్మ ద‌ర్శ‌క నిర్మాణంలో తెర‌కెక్కించిన చిత్రం 'లక్ష్మీస్ ఎన్టీఆర్‌'.

ఈ చిత్రానికి దీప్తి బాల‌గారి, రాకేష్ రెడ్డి నిర్మాణంలో భాగ‌స్వామ్యం వ‌హిస్తే.. అగ‌స్త్య మంజు వ‌ర్మ‌తో స‌హా సినిమాను డైరెక్ట్ చేశాడు. సినిమాను మార్చి 22న విడుద‌ల చేయాల‌నుకున్నారు. కానీ సెన్సార్ బోర్డ్ ఎన్నిక‌లు త‌ర్వాతే సినిమాను విడుద‌ల చేయాల‌ని ఆదేశించింది.

దీంతో వ‌ర్మ లీగ‌ల్‌గా ప్రొసీడ్ అవుతాన‌ని చెప్ప‌డంతో సెన్సార్ బోర్డు లైన్‌లోకి వ‌చ్చిన రెండు, మూడో రోజుల్లో సినిమాను చూసి స‌ర్టిఫై చేస్తామ‌ని చెప్పింది. సినిమా స‌ర్టిఫై చేసిన త‌ర్వాత కాస్త స‌మ‌యం తీసుకుంటుంది కాబ‌ట్టి.. సినిమాను అనుకున్న‌ట్లుగా మార్చి 22న విడుద‌ల చేయ‌లేరు. దీంతో రాంగోపాల్‌వ‌ర్మ సినిమాను మార్చి 29న విడుద‌ల చేయబోతున్న‌ట్లు ట్విట్ట‌ర్ ద్వారా ప్ర‌క‌టించారు.