స్వ‌ర్గీయ ఎన్టీఆర్ బ‌యోపిక్‌ల సంద‌డి మొద‌లైంది. రామ్‌గోపాల్ వ‌ర్మ ఒక‌వైపు..తేజ మ‌రోవైపు ఎన్టీఆర్ బ‌యోపిక్‌ను తెర‌కెక్కిస్తున్నారు. వీరి మ‌ధ్య‌లో కేతిరెడ్డి కూడా జాయిన్ అయ్యాడు. కేతిరెడ్డి జ‌గదీశ్వ‌ర‌రెడ్డి ద‌ర్శ‌క‌త్వంలో `ల‌క్ష్మీస్ ఎన్టీఆర్‌` సినిమాను తెర‌కెక్కిస్తాన‌ని ముందుకొచ్చాడు.వ‌ర్మ‌,తేజ కంటే ముందుగానే సినిమాను లాంఛ‌నంగా ప్రారంభించేశాడు కూడా.

అయితే కేతిరెడ్డి జ‌గదీశ్వ‌ర‌రెడ్డి తెర‌కెక్కించ‌బోయే ఎన్టీఆర్ బ‌యోపిక్‌పై ల‌క్ష్మీపార్వ‌తి అభ్యంత‌రం చెప్పింది. ఎన్టీఆర్ బ‌యోపిక్‌ను తెర‌కెక్కించాలంటే త‌న అనుమ‌తి అవ‌స‌రమ‌ని తెలియ‌జేసింది. అంతే కాకుండా త‌న అనుమ‌తి తీసుకోకుండా ఎన్టీఆర్ బ‌యోపిక్‌ను స్టార్ట్ చేసినంద‌కు పోలీసుల‌కు పిర్యాదు చేసింది.

రీసెంట్‌గా సినిమా లాంఛనంగా ప్రారంభ‌మైన ఎన్టీఆర్ ఘాట్‌ను పాల‌తో శుద్ధి చేసింది. నిమ్మ‌కూరుకి వెళ్లిన ల‌క్ష్మీస్ వీర గ్రంథం యూనిట్‌కు అక్క‌డి గ్రామ‌స్థుల నుండి చేదు అనుభ‌వం ఎదురైంది. గ్రామ‌స్థులు యూనిట్ షూటింగ్‌ను అడ్డుకున్నారు.