தனுஷ்-கார்த்திக் சுப்புராஜ் படத்தின் நாயகி லட்சுமிமேனனா?
- IndiaGlitz, [Wednesday,April 27 2016]
தற்போது கோலிவுட் திரையுலகில் மிகவிரைவாக படப்பிடிப்பை முடித்து அடுத்தடுத்து படங்களை வெளியிடும் ஹீரோக்களில் நம்பர் ஒன் இடத்தில் உள்ளவர் தனுஷ்தான் என்பது குறிப்பிடத்தக்கது.
'தங்கமகன்' படத்தை அடுத்து தனுஷ் 'கொடி' மற்றும் 'தொடரி' ஆகிய இரண்டு படங்களில் நடித்து முடித்துவிட்டார். தற்போது அவர் நடித்து வரும் 'எனை நோக்கி பாயும் தோட்டா' திரைப்படமும் மிக விரைவில் முடிந்துவிடும் என எதிர்பார்க்கப்படுகிறது.
இந்நிலையில் தனுஷின் அடுத்த படத்தை கார்த்திக் சுப்புராஜ் இயக்கவுள்ளதாக வெளிவந்த அதிகாரபூர்வ செய்தியினை ஏற்கனவே பார்த்தோம். இந்த படத்தின் படப்பிடிப்பு வரும் செப்டம்பரில் தொடங்கவுள்ள நிலையில் இந்த படத்தில் தனுஷூக்கு ஜோடியாக லட்சுமிமேனன் நடிப்பார் என எதிர்பார்க்கப்படுகிறது
கார்த்திக் சுப்புராஜின் முந்தைய படமான 'ஜிகர்தண்டா' படத்தில் லட்சுமிமேனன் தான் நாயகி என்பது இங்கே குறிப்பிடத்தக்கது.