నిస్సహాయుల జీవితంలో ఆశాజ్యోతి లక్ష్మితో మేము సైతం
- IndiaGlitz, [Wednesday,March 30 2016]
మాన‌వ సేవే మాధ‌వ సేవ అన్న సూక్తి స్పూర్తితో త‌మ క‌ష్టాల‌తో జీవ‌న పోరాటం చేస్తున్న ఎంద‌రో నిస్సహాయుల జీవితంలో వెలుగులు నింప‌డానికి, వారి క‌ల‌ల్ని నిజం చేయ‌డానికి వ‌స్తున్న ఆశాజ్యోతి మేము సైతం. వెండితెర‌పై త‌మ అందంతో అభిన‌యంతో తిరుగులేని కీర్తిని సంపాదించుకున్న తార‌లంతా వారి గ్లామ‌ర్ ప్ర‌పంచాన్ని వీడి సామాన్యుల ప్ర‌పంచంలో నిస్సహాయుల కోసం మేము సైతం అంటూ వినూత్నంగా సేవ చేయ‌బోతున్నారు. ఎన్నో విభిన్న‌మైన టీవి కార్య‌క్ర‌మాల‌తో తెలుగు వారిని అల‌రిస్తూ వినోదాన్ని పంచుతున్న మంచు ల‌క్ష్మి వ్యాఖ్యాత‌గా వ్య‌వ‌హ‌రిస్తుండ‌గా, జెమిని టీవి మ‌రియు మంచు టెలీఫిల్మ్ ప్రొడ‌క్ష‌న్స్ సంయుక్తంగా ఈ కార్య‌క్ర‌మాన్ని నిర్వ‌హిస్తున్నారు.ఈ కార్య‌క్ర‌మాన్ని ఏప్రిల్ 2 వ తేదీ నుండి ప్ర‌తి శ‌నివారం రాత్రి 9 గంట‌ల‌కు ప్ర‌సారం చేయ‌నున్నారు.
ఈ సంద‌ర్భంగా...
మంచు ల‌క్ష్మీ మాట్లాడుతూ...స‌మాజానికి ఉప‌యోగ‌ప‌డేలా ఏదైనా ఓ మంచి ప్రొగ్రామ్ చేయాల‌ని గ‌త రెండు సంవ‌త్స‌రాల నుంచి అనుకుంటున్నాను. కాక‌పోతే ఏం చేయాలి..? ఎలా చేయాలి అని ఆలోచిస్తున్నాను. ఇలాంటి స‌మ‌యంలో సుశీల్ కుమార్ షిండే స్మృతి షిండే హిందీలో ఓ డిఫ‌రెంట్ ప్రొగ్రామ్ చేస్తున్నారు. స్మృతి న‌న్ను క‌ల‌సి ఈ కార్య‌క్ర‌మాన్ని సౌత్ లో చేస్తే బాగుంటుంద‌ని చెప్పారు. నేను నా మ‌న‌సులో ఎలాగైతే ఆలోచించానో అలాంటి ప్రొగ్రామ్ కావ‌డంతో వెంట‌నే అంగీక‌రించాను. ఇప్ప‌టి వ‌ర‌కు చేసిన ప్రొగ్రామ్స్ అన్నిటికంటే చాలా డిఫ‌రెంట్ గా ఈ ప్రొగ్రామ్ ఉంటుంది. ఇంకా చెప్పాలంటే...టీ.వి ప్రొగ్రామ్స్ లో ఇదో బాహుబ‌లి అని చెప్ప‌వ‌చ్చు.జీవితంలో నిరాశ చెందిన వారికి ఈ ప్రొగ్రామ్ ద్వారా స‌హాయం చేయ‌డం నాకు చాలా సంతృప్తినిస్తుంది. ఈ ప్రొగ్రామ్స్ కోసం స్టార్స్ అంద‌ర్నీ క‌లుస్తాను. న‌న్ను నిరాశ‌ప‌ర‌చ‌ర‌ని ఆశిస్తున్నాను. ఇప్ప‌టి వ‌ర‌కు ఈ షోలో అఖిల్, రానా, ర‌కుల్ ప్రీత్ సింగ్, నాని త‌దిత‌రులు పాల్గొన్నారు. ఒక క్యాన్స‌ర్ పేషెంట్ కి రెండు ల‌క్ష‌ల రూపాయలు విరాళంగా అందించిన ర‌కుల్ ప్రీత్ సింగ్ ని అభినందిస్తున్నాను. త‌మిళ్, క‌న్న‌డ, మ‌ల‌యాళంలో కూడా ఈ ప్రొగ్రామ్ ప్లాన్ చేస్తున్నారు అన్నారు.
హీరో సుశాంత్ మాట్లాడుతూ...ఇలాంటి మంచి ప్రొగ్రామ్ చేయ‌డం సౌతిండియాలోనే ఫ‌స్ట్ టైం. ఈ ప్రొగ్రామ్ చాలా మందిలో స్పూర్తి క‌లిగించేలా ఉంది. స‌మాజానికి సేవ చేయాల‌నుకుంటూ ఎప్పుడూ ముందుండే ల‌క్ష్మిని అభినందిస్తున్నాను అన్నారు.
ర‌కుల్ ప్రీత్ సింగ్ మాట్లాడుతూ...ఇలాంటి ప్రొగ్రామ్ తెలుగులో చేస్తున్నందుకు...ఇందులో నేను పాల్గొన్నంద‌కు సంతోషంగా ఉంది అన్నారు. ఈ కార్య‌క్ర‌మంలో జెమిని కిర‌ణ్, జెమిని టీవి బిజినెస్ హెడ్ సుబ్ర‌మ‌ణ్యం త‌దిత‌రులు పాల్గొన్నారు.