என்னுடைய பிறந்த நாளில் ஐந்து ஸ்பெஷல்: லைலாவின் க்யூட் வீடியோ வைரல்..!
- IndiaGlitz, [Tuesday,October 24 2023]
நடிகை லைலா இன்று தனது பிறந்த நாளை கொண்டாடி வரும் நிலையில் அவருக்கு திரையுலக பிரபலங்கள் மற்றும் ரசிகர்கள் சமூக வலைதளங்கள் மூலம் வாழ்த்துக்களை தெரிவித்து வருகின்றனர். அந்த வகையில் இன்று தனது பிறந்த நாளில் 5 ஸ்பெஷல் என அவர் தனது சமூக வலைத்தளத்தில் வீடியோ ஒன்றை வெளியிட்டுள்ளார்.
தமிழ் திரையுலகில் கடந்த 2000ஆம் ஆண்டுகளில் பிரபலமாக இருந்தவர் நடிகை லைலா. ’தீனா’ ’பார்த்தேன் ரசித்தேன்’ ’பரமசிவம்’ ‘பிதாமகன்’ உள்ளிட்ட பல படங்களில் நடித்த லைலா, இன்று தனது பிறந்த நாளை கொண்டாடி வருகிறார்.
இந்நிலையில் இன்று ’தளபதி 68’ படத்தின் அறிவிப்பு உள்பட ஐந்து ஸ்பெஷல் என்று குறிப்பிட்டுள்ளார். தான் நடித்த ’பிதாமகன்’ என்ற திரைப்படம் வெளியாகி இன்றுடன் 20 ஆண்டுகள் ஆகியுள்ளது, அதேபோல் ’சர்தார்’ திரைப்படம் வெளியாகி சமீபத்தில் ஒரு ஆண்டு நிறைவு பெற்றது, தான் முக்கிய வேடத்தில் நடிக்கும் ’தளபதி 68’ படத்தின் அறிவிப்பு இன்று வெளியாகியுள்ளது, இன்று தசரா கொண்டாட்டம் மற்றும் தனது பிறந்த நாள் கொண்டாட்டம் என மொத்தம் ஐந்து ஸ்பெஷல் என குறிப்பிட்டுள்ளார்.
லைலாவின் இந்த பதிவுக்கு ஏராளமான லைக்ஸ், கமெண்ட்கள் குவிந்து வருகிறது.