ల‌హ‌రి ద్వారా గౌత‌మీపుత్ర శాత‌క‌ర్ణి ట్రైల‌ర్ రిలీజ్..!
- IndiaGlitz, [Thursday,December 15 2016]
నంద‌మూరి న‌ట సింహం బాల‌కృష్ణ న‌టిస్తున్న ప్ర‌తిష్టాత్మ‌క చిత్రం గౌత‌మీపుత్ర శాత‌క‌ర్ణి. జాగ‌ర్ల‌మూడి క్రిష్ తెర‌కెక్కించిన గౌత‌మీపుత్ర శాత‌క‌ర్ణి చిత్రం షూటింగ్ పూర్తి చేసుకుని నిర్మాణానంత‌ర కార్య‌క్ర‌మాలు జ‌రుపుకుంటుంది. సంక్రాంతికి ప్రేక్ష‌కుల ముందుకు రానున్న చారిత్రాత్మ‌క చిత్రం గౌత‌మీపుత్ర శాత‌క‌ర్ణి ట్రైల‌ర్ ను 100 ధియేట‌ర్స్ లో ఒకేసారి రిలీజ్ చేయ‌నున్నవిష‌యం తెలిసిందే.
ప్ర‌పంచ సినిమా చ‌రిత్ర‌లో ఒక సినిమా ట్రైల‌ర్ ను 100 థియేట‌ర్స్ లో ఒకేసారి రిలీజ్ చేయ‌డం అనేది ఇదే ఫ‌స్ట్ టైమ్ కావ‌డం విశేషం. రేపు క‌రీంన‌గ‌ర్ లోని శ్రీ తిరుమ‌ల థియేట‌ర్స్ లో సాయంత్రం 5 గంట‌ల‌కు ఈ ట్రైల‌ర్ ను రిలీజ్ చేయ‌నున్నారు. ఇక యూట్యూబ్ లో గౌత‌మీపుత్ర శాత‌క‌ర్ణి ట్రైల‌ర్ ను ల‌హ‌రి మ్యూజిక్ సంస్థ రిలీజ్ చేస్తుంది. ఈ విష‌యాన్ని ల‌హ‌రి మ్యూజిక్ సంస్థ ట్విట్ట‌ర్ ద్వారా తెలియ‌చేసింది. ఆడియోను ఈనెలాఖ‌రున రిలీజ్ చేసేందుకు ప్లాన్ చేస్తున్నారు.