లేడీ సూపర్ స్టార్ రీ ఎంట్రీ..
- IndiaGlitz, [Friday,June 17 2016]
లేడీ సూపర్ స్టార్...,అలాగే లేడీ అమితాబ్...అన‌గానే ఠ‌క్కున గుర్తుకువ‌చ్చేది విజ‌య‌శాంతి. తెలుగు, త‌మిళ్, హిందీ చిత్రాల్లో న‌టించి త‌న‌దైన ముద్రవేసిన విజ‌య‌శాంతి రాజ‌కీయాల్లో ఎంట్రీ ఇచ్చి సినిమాల‌కు దూర‌మ‌య్యారు.విజ‌య‌శాంతి త‌ల్లి తెలంగాణ అనే పార్టీ పెట్టారు. ఆత‌ర్వాత ఆ పార్టీని టి.ఆర్.ఎస్ లో విలీనం చేసారు. ఆత‌ర్వాత బి.జె.పి, కాంగ్రెస్ పార్టీల్లో చేరినా ఎందుక‌నో రాజ‌కీయాల్లో అంత‌గా రాణించ‌లేక‌పోయారు. ఇప్పుడు విజ‌య‌శాంతి మ‌ళ్ళీ తెర పైకి రావాల‌నుకుంటున్నార‌ట. తాజా స‌మాచారం ప్రకారం...త‌న సినీ, రాజ‌కీయ జీవితాన్నే సినిమాగా తీయాల‌నుకుంటున్నార‌ట. ప్రస్తుతం ఓ ప్ర‌ముఖ ద‌ర్శ‌కుడితో విజ‌య‌శాంతి క‌ధా చ‌ర్చ‌లు జ‌రుపుతున్నార‌ట. మ‌రి...ఆ ద‌ర్శ‌కుడు ఎవ‌రో..? ఈ మూవీ క‌ధా చ‌ర్చ‌ల వ‌ర‌కే ప‌రిమితం అవుతుందో..? లేక సెట్స్ పైకి వెళుతుందో చూద్దాం.