கே.வி.ஆனந்தின் அடுத்த பட ஹீரோ குறித்த புதிய தகவல்
- IndiaGlitz, [Wednesday,March 09 2016]
தனுஷ், அம்ரியா நடித்த 'அனேகன்' படம் ரிலீஸ் ஆகி ஒரு வருடத்திற்கு மேல் ஆகிவிட்டபோதிலும் இந்த படத்தின் இயக்குனர் கே.வி.ஆனந்த் இயக்கவுள்ள அடுத்த படம் குறித்த அதிகாரபூர்வ தகவல் எதுவும் இதுவரை வெளிவரவில்லை.
கே.வி.ஆனந்தின் அடுத்த படத்தில் விஷால், ஜெயம் ரவி, ஆர்யா ஆகியோர்கள் நடிக்கவுள்ளதாக தனித்தனியே செய்திகள் வெளிவந்தபோதிலும் இதுவரை இந்த செய்திகள் உறுதிப்படுத்தப்படவில்லை.
இந்நிலையில் சமீபத்தில் கே.வி.ஆனந்த் பிரபல நடிகர் விஜய்சேதுபதியை சந்தித்து ஒரு கதையை கூறியுள்ளதாகவும், அந்த கதையை கேட்டு இம்ப்ரஸ் ஆன விஜய்சேதுபதி, அந்த கதையில் நடிக்க ஒப்புக்கொண்டதாகவும் கூறப்படுகிறது.
பெரிய பட்ஜெட் படமாக உருவாகவிருக்கும் இந்த படம் வரும் ஆகஸ்ட் முதல் தொடங்க வாய்ப்பு இருப்பதாகவும், அதற்குள் கே.வி.ஆனந்த் இந்த படத்தின் திரைக்கதைக்கு இறுதி வடிவம் கொடுக்கவுள்ளதாகவும் கூறப்படுகிறது.
இந்நிலையில் விஜய்சேதுபதியின் 'காதலும் கடந்து போகும்' திரைப்படம் வரும் வெள்ளியன்ரு ரிலீஸ் ஆகவுள்ளது என்பது குறிப்பிடத்தக்கது.