அருண்விஜய் நடிப்பில் கடந்த 2ஆம் தேதி வெளியான 'குற்றம் 23' திரைப்படம் சென்னை உள்பட தமிழகத்தின் அனைத்து பகுதிகளிலும் நல்ல ஓப்பனிங் வசூல் கொடுத்தது என்பதையும், இந்த படம்தான் அருண்விஜய்யின் அதிகபட்ச ஒப்பனிங் வசூல் படம் என்பதையும் ஏற்கனவே பார்த்தோம்.

இந்நிலையில் இந்த படத்தின் இரண்டாவது வார வசூலும் திருப்திகரமாக வசூலாகியுள்ளதாக விநியோகிஸ்தர்களிடம் இருந்து தகவல்கள் வெளிவந்துள்ளது. குறிப்பாக சென்னையில் கடந்த வார இறுதியில் 12 திரையரங்க வளாகங்களில் 121 காட்சிகள் திரையிடப்பட்டு ரூ.24,14,920 வசூல் செய்துள்ளது. மேலும் திரையரங்குகளில் 85% பார்வையாளர்கள் இருந்தனர் என்பது குறிப்பிடத்தக்கது.

மேலும் கடந்த வாரம் சூப்பர் ஸ்டார் ரஜினிகாந்த் அவர்களை 'குற்றம் 23' படக்குழுவினர் சந்தித்து வாழ்த்து பெற்றபோது எடுக்கப்பட்ட புகைப்படம் புரமோஷனுக்கு பயன்படுத்தப்பட்டதும் கடந்த வார வசூல் அதிகரிப்புக்கு ஒரு காரணமாக கூறப்படுகிறது.