'குற்றம் கடிதல்' படத்திற்கு மேலும் ஒரு விருது
- IndiaGlitz, [Wednesday,October 14 2015]
இயக்குனர் பிரம்மாவின் 'குற்றம் கடிதல்' திரைப்படம் பல விருதுகளை பெற்று கடந்த சில நாட்களுக்கு முன்னர் வெளியானது. பொதுவாக விருது வாங்கும் திரைப்படங்கள் வணிக ரீதியாக வெற்றி பெறாது என்ற நிலையை முதன்முதலில் உடைத்தெறிந்தது தனுஷின் 'காக்கா முட்டை'. இதனை அடுத்து வெளியான 'குற்றம் கடிதல்' திரைப்படமும் வசூலில் சாதனை செய்தது.
உலகின் பல நாடுகளில் பல விருதுகளை பெற்ற 'குற்றம் கடிதல்' படத்திற்கு மேலும் ஒரு விருது தற்போது கிடைத்துள்ளது. புதுச்சேரியில் நடைபெற்ற 'இந்தியன் பனோரமா விழாவில்' குற்றம் கடிதல்' படத்திற்கு சங்கரதாஸ் ஸ்வாமிகள் விருதும், ஒரு லட்ச ரூபாய் பணமும், சில்வர் மெடலும் கிடைத்துள்ளது.
இந்த விருதை 'குற்றம் கடிதல்' இயக்குனர் பிரம்மா பெற்றுக்கொண்டார். ஒரு ஆசிரியர் எப்படி இருக்க வேண்டும் என்ற இலக்கணத்தை இந்த படம் கற்று கொடுத்ததாக விழாக்குழுவினர் தெரிவித்துள்ளனர். 'காக்கா முட்டை', 'குற்றம் கடிதல்' வெற்றியை அடுத்து தமிழில் இதுபோன்று இன்னும் பல படங்கள் உருவாக வேண்டும் என்பதே அனைவரும் விருப்பமாக உள்ளது.