அருண்விஜய்யின் 'குற்றம் 23' இசை வெளியீடு தேதி
- IndiaGlitz, [Wednesday,August 24 2016]
அஜித்தின் 'என்னை அறிந்தால்' படத்தில் அஜித்துக்கு இணையாக விக்டர் என்ற நெகட்டிவ் கேரக்டரில் நடித்த அருண்விஜய்க்கு அந்த படம் பெரும் திருப்புமுனையை கொடுத்தது. 'என்னை அறிந்தால்' வெற்றிக்கு பின்னர் அவர் நடித்து முடித்துள்ள 'வா டீல்' விரைவில் ரிலீஸ் ஆகவுள்ள நிலையில் தற்போது அவர் 'குற்றம் 23' என்ற படத்தில் கம்பீரமான போலீஸ் கேரக்டரில் நடித்து வருகிறார்.
இந்நிலையில் இந்த படத்தின் இசை வெளியீடு தேதி குறித்த தகவல் தற்போது வெளிவந்துள்ளது. 'குற்றம் 23' படத்தின் பாடல்கள் சென்னை சத்யம் திரையரங்கில் வரும் செப்டம்பர் 1ஆம் தேதி வெளியாகவுள்ளது.
அருண்விஜய், மஹிமா நம்பியார், வம்சிகிருஷ்ணா, தம்பி ராமையா உள்ளிட்ட பலர் நடித்துள்ள இந்த படத்தை 'ஈரம்' அறிவழகன் இயக்கியுள்ளார். விஷால் சந்திரசேகர் இசிஅயில் பாஸ்கரன் ஒளிப்பதிவில் புவன்ஸ்ரீனிவாசன் படத்தொகுப்பில் உருவாகி வரும் இந்த படம் வரும் டிசம்பரில் வெளியாகும் என எதிர்பார்க்கப்படுகிறது.