தளபதி விஜய் நடித்த ’வாரிசு’ திரைப்படத்தில் குஷ்பு ஒரு முக்கிய கேரக்டரில் நடித்திருந்ததாக கூறப்பட்டாலும் படம் வெளியான பிறகு அவர் நடித்த ஒரு காட்சி கூட படத்தில் இடம்பெறவில்லை என்பது ரசிகர்களுக்கு பெரும் ஆச்சரியமாகவும் அதிர்ச்சியாகவும் இருந்தது. இந்த நிலையில் ஒரு காட்சி கூட படத்தில் இல்லாத குஷ்புக்கு சம்பளம் எவ்வளவு என்பது குறித்த தகவல் வெளியாகிய ஆச்சரியத்தை ஏற்படுத்தி உள்ளது.

தளபதி விஜய் நடித்த ’வாரிசு’ திரைப்படத்தில் நாயகி ராஷ்மிகாவின் அம்மாவாக குஷ்பு நடித்திருந்ததாக கூறப்பட்டது. குஷ்புவின் நடிப்பு இந்த படத்தில் மிகவும் அபாரமாக இருந்ததாகவும் அவரது கேரக்டர் அற்புதமாக வடிவமைக்கப்பட்டு இருந்ததாகவும் ஆனால் அதே நேரத்தில் படத்தின் நீளம் கருதி அவரது கேரக்டரை நீக்க வேண்டிய நிலை ஏற்பட்டது என ’வாரிசு’ படத்தின் எடிட்டர் ஒரு பேட்டியில் தெரிவித்து இருந்தார். இருப்பினும் டெலிடட் காட்சிகள் வெளியாகும்போது குஷ்புவின் நடிப்பை நீங்கள் பார்க்கலாம் என்றும் அவர் குறிப்பிட்டிருந்தார்.

இந்த நிலையில் ’வாரிசு’ திரைப்படத்தில் குஷ்பு நடித்த காட்சி இல்லை என்றாலும் அவரது சம்பளம் 40 லட்சம் ரூபாய் என்ற தகவல் வெளியாகி பெரும் ஆச்சரியத்தை ஏற்படுத்தியுள்ளது. குஷ்பு இந்த படத்தில் நடித்த காட்சிகள் மட்டும் 17 நிமிடங்களில் இருந்ததாகவும் அவை விரைவில் டெலிடட் காட்சிகளாக வெளிவரும் என்று கூறப்படுகிறது.