நடிகை குஷ்பு காங்கிரஸ் கட்சியில் இருந்து கடந்த சில மாதங்களுக்கு முன்னர் பாஜகவில் இணைந்தார் என்பதும் அவருக்கு வரும் தேர்தலில் ஆயிரம்விளக்கு தொகுதியில் போட்டியிட பாஜக தலைமை வாய்ப்பு கொடுத்து உள்ளது என்பதும் தெரிந்ததே

இந்த நிலையில் ஆயிரம் விளக்கு தொகுதி முழுவதும் தற்போது சூறாவளி சுற்றுப்பயணம் செய்து குஷ்பு பிரச்சாரம் செய்து வருகிறார். குறிப்பாக பெண்களின் வாக்குகளை கவர அவர் பெண்களுடன் சகஜமாக பழகி வாக்குகளை சேகரித்து வருகிறார்

அதேபோல் தனது சமூக வலைதளப் பக்கங்களிலும் புகைப்படங்களை வெளியிட்டு வாக்குகள் கேட்டு பிரச்சாரம் செய்து வருகிறார். அந்த வகையில் இன்று அவர் ஒரு புகைப்படத்தை பதிவு செய்துள்ள நிலையில் அந்த புகைப்படத்தை கேலி செய்த நெட்டிசனுக்கு குஷ்பு பதிலடி கொடுத்துள்ளார்

அந்த புகைப்படத்தை பார்த்து ’சூப்பர் டீலக்ஸ் ஷில்பா என்று நினைத்து விட்டேன் என்றும் அப்புறம்தான் தெரிந்தது குஷ்பு என்றும் நான் ஒரு நெட்டிசன் கேலி செய்து இருந்தார். அதற்கு பதிலடி கொடுத்த குஷ்பு, ‘திருநங்கை கேரக்டர்தான் விஜய்சேதுபதிக்கு தேசிய விருதை பெற்றுக் கொடுத்தது என்றும் திருநங்கைகளை கேலி செய்வதை நிறுத்துங்கள் என்றும் அவர்களும் நமக்கு இணையானவர்கள் தான்’ என்றும் பதிலடி கொடுத்துள்ளார். குஷ்புவின் இந்த பதிலடி தற்போது வைரலாகி வருகிறது