சுந்தர் சி இயக்கத்தில் உருவான ’அரண்மனை’ படத்தின் நான்காம் பாகம் சமீபத்தில் வெளியாகி நல்ல வரவேற்பை பெற்றது. மேலும், இந்த படம் உலகம் முழுவதும் 100 கோடிக்கும் அதிகமாக வசூல் செய்து சாதனை செய்தது.

"அரண்மனை 4’ வெற்றி பெற்றால் ’அரண்மனை 5’ கண்டிப்பாக இயக்குவேன்" என ஏற்கனவே சுந்தர் சி கூறியிருந்த நிலையில், கடந்த இரண்டு நாட்களாக ’அரண்மனை 5’ படத்தின் ஃப்ரஸ்ட் லுக் போஸ்டர் இணையத்தில் வெளியாகி வைரல் ஆகி வருகிறது.

இந்த போஸ்டர் அதிகாரப்பூர்வமாக வெளியானதா என ரசிகர்களுக்கு சந்தேகம் இருந்த நிலையில், தற்போது குஷ்பு இதுகுறித்து தனது சமூக வலைதளத்தில் விளக்கம் அளித்துள்ளார்.

’அரண்மனை’ படத்தின் தொடர்கள் மிகப்பெரிய வெற்றி பெற்றுள்ள நிலையில், இப்படத்தின் ஐந்தாம் பாகம் உருவாக இருப்பதாக கடந்த சில நாட்களாக பல்வேறு செய்திகள் வெளிவந்துள்ளன. மேலும், இது குறித்த புகைப்படங்கள், நட்சத்திரங்களின் பட்டியல், ப்ரஸ்ட் லுக் போஸ்டர் உள்ளிட்டவை அதிகாரப்பூர்வமானவை அல்ல. மேலும் ’அரண்மனை 5’ குறித்த எந்த வியாபாரம் யாருடன் செய்தாலும், அது அவர்களுடைய சொந்த ரிஸ்க். சுந்தர் சி மற்றும் அவ்னி சினி மேக்ஸ் அதிகாரபூர்வமாக அறிவித்தால் மட்டுமே ’அரண்மனை 5’ உருவாகும்.

தற்போது நாங்கள் ‘கேங்கர்ஸ்’ படத்தில் தான் முழு கவனத்தை செலுத்தி வருகிறோம். விரைவில் அந்த படத்தின் ரிலீஸ் குறித்த அறிவிப்பை வெளியிடுவோம்’ என்றும் குஷ்பு தெரிவித்துள்ளார்.

There have been a lot of speculations and news circulating about the successful and the biggest entertainer of tamil cinema, #Aranmanai , getting ready for its 5th franchise. Pictures, startcast, firstlook, poster designs, and all. Everything is fake. Anyone doing business with… pic.twitter.com/aoIl5BEM0i

— KhushbuSundar (@khushsundar) October 26, 2024