నన్ను రేప్ చేస్తానని బెదిరిస్తున్నాడు: సీఎంకి కుష్బూ ఫిర్యాదు
- IndiaGlitz, [Thursday,August 06 2020]
తనను ఓ ఆగంతకుడు రేప్ చేస్తానంటూ బెదిరిస్తున్నాడంటూ సీనియర్ నటి, కాంగ్రెస్ నాయకురాలు కుష్బూ సోషల్ మీడియా వేదికగా అటు పోలీసులకు.. ఇటు పశ్చిమ బెంగాల్ ముఖ్యమంత్రికి ఫిర్యాదు చేశారు. నువ్వు ముస్లింవి కాబట్టి రేప్ చేస్తానని బెదిరిస్తున్నాడని.. ఇది నిజంగా శ్రీరాముడు జన్మించిన నేలేనా అని ఆమె ప్రశ్నించారు. కానీ అతని వివరాలను మాత్రం బయటపెట్టారు. తనను బెదిరించిన వ్యక్తి నంబర్‌ను ట్రూ కాలర్‌లో సెర్చ్ చేస్తే సంజయ్ శర్మ అని వచ్చిందని తెలిపారు.
కోల్‌కతా నుంచి కాల్ చేస్తున్నాడని కుష్బూ వెల్లడించారు. తన వద్ద ఆ వ్యక్తి తాలుకు అన్ని వివరాలతో అటు కోల్‌కతా పోలీసులను ట్యాగ్ చేస్తూ ఫిర్యాదు చేశారు. ఆ ఫిర్యాదు చేసిన ట్వీట్‌ను పశ్చిమ బెంగాల్ ముఖ్యమంత్రి మమతా బెనర్జీకి ట్యాగ్ చేస్తూ మరో ఫిర్యాదు చేశారు. ‘దీదీ కొంచెం ఆలోచించండి. నాకే ఇలాంటి బెదిరింపులు ఎదురువుతున్నాయంటే మిగిలిన మహిళల పరిస్థితి ఏంటో ఆలోచించండి’ అని కుష్బూ మమతను వేడుకున్నారు.