33 வருட நண்பரான பிரபல நடிகருக்கு பிறந்த நாள் வாழ்த்து கூறிய குஷ்பு
- IndiaGlitz, [Saturday,May 30 2020]
கடந்த 1987ஆம் ஆண்டு வெளியான ’பருவராகம்’ என்ற திரைப்படத்தின் மூலம் தமிழ் ரசிகர்களுக்கு அறிமுகமானவர் நடிகர் ரவிச்சந்திரன். அதன் பின்னர் சூப்பர் ஸ்டார் ரஜினிகாந்த் நடித்த ’நாட்டுக்கு ஒரு நல்லவன்’ என்ற திரைப்படத்தைத் தயாரித்து அதில் முக்கிய வேடத்தில் நடித்திருந்தார் என்பது குறிப்பிடத்தக்கது. மேலும் அவர் பல கன்னட திரைப்படங்களில் நடித்து கன்னட சூப்பர் ஸ்டார்களில் ஒருவராகத் திகழ்ந்தார் என்பது குறிப்பிடத்தக்கது.
இந்த நிலையில் நடிகர் ரவிச்சந்திரன் இன்று தனது 58வது பிறந்த நாளை கொண்டாடி வருகிறார். அவருக்கு கன்னட திரையுலகினர் மட்டுமின்றி தென்னிந்திய திரையுலகினர் பலரும் வாழ்த்துகளைத் தெரிவித்து வருகின்றனர். இந்த நிலையில் நாட்டுக்கு ஒரு நல்லவன்’ திரைப்படத்தில் ரவிச்சந்திரனுடன் நடித்த நடிகை குஷ்பு தற்போது தனது சமூக வலைத்தளத்தில் நடிகர் ரவிச்சந்திரனுக்கு பிறந்தநாள் வாழ்த்துக்களை தெரிவித்துள்ளார்
நடிகர் ரவிச்சந்திரன் கன்னட திரையுலகில் தனக்கு வழிகாட்டியாக இருந்ததாகவும் அவருக்கு தனது இனிமையான பிறந்தநாள் வாழ்த்துக்களை தெரிவித்துக் கொள்வதாகவும் குஷ்பு கூறியுள்ளார். மேலும் அவருடன் பழக ஆரம்பித்த இந்த 33 வருடங்களில் அவரிடம் எந்த ஒரு மாற்றத்தையும் பார்க்கவில்லை என்றும் அவர் மிகச்சிறந்த மனிதர் என்றும் குஷ்பு குறிப்பிட்டுள்ளார். குஷ்புவின் இந்த வாழ்த்து சமூக வலைத்தளத்தில் வைரலாகி வருகிறது
View this post on InstagramA post shared by Khush (@khushsundar) on May 29, 2020 at 7:45pm PDT