சரத்குமார் அணிக்கு குஷ்பு பதிலடி
- IndiaGlitz, [Saturday,October 17 2015]
தென்னிந்திய நடிகர் சங்க தேர்தல் நாளை நடைபெறவுள்ள நிலையில் சரத்குமார், விஷால் ஆகிய இரு அணிகளும் கடைசிகட்ட பிரச்சாரங்களில் தீவிரமாக உள்ளனர். இந்நிலையில் நேற்று கமல் குறித்து கருத்து தெரிவித்த சரத்குமார், 'கமல்ஹாசனுக்கு விஸ்வரூபம் படப் பிரச்சனையை நேருக்கு நேர் சந்திக்க தைரியம் இல்லாததால், நாட்டை விட்டு வெளியேறுவதாக கூறினார். விஸ்வரூபம் பட பிரச்சனையை நடிகர் சங்கம்தான் தீர்த்து வைத்தது என்று கூறினார். அதேபோல் ராதாரவி பேசும்போது, 'கமல் என்ன தமிழ் சினிமாவின் அல்டிமேட் ஸ்டாரா? என்றும் கேள்வி எழுப்பினார்
இதற்கு பிரபல நடிகையும் கமல்ஹாசனின் தீவிர ரசிகையுமான குஷ்பு பதிலளிக்கையில், 'கமல்ஹாசன் தமிழ் சினிமாவின் அல்டிமேட் ஸ்டார் இல்லை என்பது உண்மைதான். அவர் இந்திய சினிமாவின் அல்டிமேட் ஸ்டார் என்று கூறினார்.
மேலும் சரத்குமார் அணியின் பேச்சால் ஆத்திரமடைந்துள்ள கமல் ரசிகர்கள் அமைதி காக்கும்படியும், சமூக வலைத்தளங்களில் கருத்துக்களை தெரிவிக்கும்போது நாகரீகத்தை கடைபிடிக்கவும் அவர் அறிவுரை கூறியுள்ளார்.