കുറുക്കൻ ലിറിക്കൽ വീഡിയോ ഗാനം റിലീസായി
- IndiaGlitz, [Monday,July 24 2023]
വിനീത് ശ്രീനിവാസന്‍, ശ്രീനിവാസന്‍, ഷൈന്‍ ടോം ചാക്കോ എന്നിവരെ പ്രധാന കഥാപാത്രങ്ങളാക്കി നവാഗതനായ ജയലാല്‍ ദിവാകരന്‍ സംവിധാനം ചെയ്യുന്ന 'കുറുക്കന്‍' എന്ന ചിത്രത്തിലെ ലിറിക്കൽ വീഡിയോ ഗാനം റിലീസായി. മനു മഞ്ജിത് എഴുതിയ വരികൾക്ക് ഉണ്ണി ഇളയരാജ സംഗീതം പകർന്ന് അതുൽ നറുകര ആലപിച്ച ഈശ്വരൻ ലഞ്ചിന് പോയൊരു നേരത്ത് എന്നാരംഭിക്കുന്ന ഗാനമാണ് റിലീസായത്. ജൂലായ് ഇരുപത്തിയേഴിന് കുറുക്കൻ പ്രദർശനത്തിനെത്തുന്നു.
വര്‍ണ്ണചിത്രയുടെ ബാനറില്‍ മഹാസുബൈര്‍ നിര്‍മ്മിക്കുന്ന ഈ ചിത്രത്തിൽ സുധീര്‍ കരമന, ശ്രീകാന്ത് മുരളി, ദിലീപ് മേനോൻ, ജോജി ജോണ്‍, അശ്വത് ലാല്‍, ബാലാജി ശര്‍മ്മ, കൃഷ്ണന്‍ ബാലകൃഷ്ണന്‍, നന്ദന്‍ ഉണ്ണി, അസീസ് നെടുമങ്ങാട്, മാളവികാ മേനോന്‍, ഗൗരി നന്ദ, ശ്രുതി ജയൻ, അഞ്ജലി സത്യനാഥ്, അന്‍സിബാ ഹസ്സന്‍, തുടങ്ങിയ പ്രമുഖരും അഭിനയിക്കുന്നു. ഛായാഗ്രഹണം: ജിബു ജേക്കബ്, തിരക്കഥ സംഭാഷണം: മനോജ് റാംസിംഗ്, എഡിറ്റിംഗ്: രഞ്ജന്‍ ഏബ്രഹാം, എക്സി.പ്രൊഡ്യൂസർ: സൈനുദ്ദീൻ, പ്രൊഡക്ഷന്‍ ഡിസൈനര്‍: ജോസഫ് നെല്ലിക്കല്‍, കോസ്റ്റ്യൂം: സുജിത് മട്ടന്നൂര്‍, മേക്കപ്പ്: ഷാജി പുല്‍പ്പള്ളി, അസ്സോസ്സിയേറ്റ് ഡയറക്ടര്‍: അനീവ് സുകുമാരന്‍, പ്രൊഡക്ഷന്‍ കണ്‍ട്രോളര്‍: ഷെമീജ് കൊയിലാണ്ടി, പരസ്യക്കല: കോളിൻസ് ലിയോഫിൽ, വിതരണം: വർണ്ണച്ചിത്ര ബിഗ് സ്ക്രീൻ.