ஜிபி பிரகாஷ் நடித்த 'சர்வம் தாளமயம்' திரைப்படம் சமீபத்தில் வெளியாகி நல்ல வரவேற்பை பெற்ற நிலையில் அவர் நடித்து முடித்துள்ள '100% காதல்' மற்றும் 'வாட்ச்மேன்' ஆகிய படங்கள் ரிலீசுக்கு தயாராக உள்ளது. மேலும் அவர் நடித்து வரும் 'ஜெயில்', '4G' ஆகிய படங்களின் படப்பிடிப்புகளும் விரைவில் முடிவடையவுள்ளது.

இந்த நிலையில் ஜிவி பிரகாஷ் நடித்துள்ள இன்னொரு படமான 'குப்பத்து ராஜா' திரைப்படத்தின் டிரைலர் தேதி சற்றுமுன் அறிவிக்கப்பட்டுள்ளது. இந்த படத்தின் டிரைலர் வரும் 8ஆம் தேதி வெள்ளியன்று வெளியாகவிருப்பதாக அறிவிக்கப்பட்டுள்ளது.

பாபா பாஸ்கர் இயக்கியுள்ள இந்த படத்தில் ஜிவி பிரகாஷ், பார்த்திபன், பாலக் லால்வானி, பூனம் பாஜ்வா, எம்.எஸ்.பாஸ்கர், யோகிபாபு, மதுமிதா உள்பட பலர் நடித்துள்ளனர். ஜிவி பிரகாஷ் இசையில் மகேஷ் முத்துசாமி ஒளிப்பதிவில் ப்ரவீண் கே.எல் படத்தொகுப்பில் உருவாகி வரும் இந்த படத்தை ஏப்ரலில் வெளியாகும் என எதிர்பார்க்கப்படுகிறது.