കുഞ്ചാക്കോ ബോബനെയും ആസിഫ് അലിയെയും നായകന്മാരാക്കി സിദ്ധാർത്ഥ് ഭരതൻ സംവിധാനം ചെയ്യുന്ന വർണ്യത്തിൽ ആശങ്ക ആഗസ്റ്റ് 4ന് റിലീസ് ചെയ്യും. ചന്ദ്രേട്ടൻ എവിടെയാഎന്ന ചിത്രമാണ് സിദ്ധാർത്ഥ് ഒടുവിൽ സംവിധാനം ചെയ്തത്.

വർണ്യത്തിൽ ആശങ്കയുടെ ഷൂട്ടിംഗ് കഴിഞ്ഞ മാസം തൃശൂരിൽ പൂർത്തിയായിരുന്നു. കട്ട ശിവൻ എന്ന കഥപാത്രത്തെയാണ് കുഞ്ചാക്കോ ബോബൻ അവതരിപ്പിക്കുന്നത്. വേറിട്ട രൂപത്തിലും ഭാവത്തിലുമാണ് ചാക്കോച്ചൻ എത്തുന്നത്. ആസിഫിനും വ്യത്യസ്തമായ വേഷമാണ്. സുരാജ് വെഞ്ഞാറമൂട്, ചെമ്പൻ വിനോദ്, ഷറഫുദ്ദീൻ, ഷൈൻ ടോം ചാക്കോ, രചന നാരായണൻ കുട്ടി, മണികണ്ഠൻ എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ആഷിക് ഉസ്മാൻ പ്രൊഡക്ഷൻസിന്റെ ബാനറിൽ ആഷിക് ഉസ്മാനാണ് നിർമ്മാണം. കഥയും തിരക്കഥയും സംഭാഷണവും രചിച്ചിരിക്കുന്നത് നാടകപ്രവർത്തകനായ തൃശൂർ ഗോപാൽജിയാണ്. സംഗീതം: പ്രശാന്ത് പിള്ള, കല: ഗോകുൽ ദാസ്, മേക്കപ്പ്: റോണക്സ് സേവ്യർ, വസ്ത്രാലങ്കാരം: സറ്റെസേവ്യർ, എഡിറ്റർ: ഭവൻ ശ്രീകുമാർ. സെൻട്രൽ പിക്ചേഴ്സ് ചിത്രം തിയേറ്ററിലെത്തിക്കും.