ரஜினியின் 'கூலி' படத்தில் இணைகிறாரா 'குபேரா' நடிகர்? லோகேஷ் கனகராஜ் சம்பவம்..!
- IndiaGlitz, [Sunday,May 12 2024]
சூப்பர் ஸ்டார் ரஜினிகாந்த் நடிக்க இருக்கும் ‘கூலி’ திரைப்படத்தின் அறிவிப்பு கடந்த சில நாட்களுக்கு முன் வெளியானது என்பதும் அதுமட்டுமின்றி படக்குழுவினர் வெளியிட்ட முன்னோட்ட வீடியோ அட்டகாசமாக இருந்தது என்பதும் தெரிந்தது.
இந்த நிலையில் தற்போது ரஜினிகாந்த் 'வேட்டையன்’ படத்தின் படப்பிடிப்பில் இருக்கும் நிலையில் இந்த படத்தை முடித்துவிட்டு அடுத்த மாதம் ‘கூலி’ படத்தின் படப்பிடிப்பில் இணைவார் என்றும் கூறப்படுகிறது.
‘கூலி’ படத்தின் திரைக்கதை எழுதும் பணியை முடித்துவிட்ட லோகேஷ் கனகராஜ் தற்போது இந்த படத்தில் நடிக்கும் நட்சத்திரங்களை தேர்வு செய்தும் பணியில் இருப்பதாகவும் விரைவில் இந்த படத்தில் நடிக்கும் நடிகர் நடிகைகள் குறித்து அறிவிப்பு வெளியாகும் என்றும் எதிர்பார்க்கப்படுகிறது.
இந்த நிலையில் தற்போது வந்துள்ள தகவல்படி ‘கூலி’ படத்தில் பிரபல தெலுங்கு நடிகர் நாகார்ஜுனா ஒரு முக்கிய கேரக்டரில் நடிக்க இருப்பதாகவும் அவருடன் இந்த படத்தில் நடிப்பதற்கான பேச்சுவார்த்தை நடந்து வருவதாகவும் கூறப்படுகிறது. ஏற்கனவே நடிகர் நாகார்ஜுனா, தனுஷ் நடித்து வரும் ’குபேரா’ திரைப்படத்தில் ஒரு முக்கிய கேரக்டரில் நடித்து வரும் நிலையில் ‘கூலி’ திரைப்படத்திலும் நடிப்பார் என்று எதிர்பார்க்கப்படுகிறது
சன் பிக்சர்ஸ் தயாரிப்பில், அனிருத் இசையில் உருவாகும் இந்த படம் ஒரு பான் இந்திய படமாக உருவாக இருக்கும் நிலையில் இந்த படத்திலும் லோகேஷ் தரமான சம்பவம் செய்வார் என்று எதிர்பார்க்கலாம்.