టాలీవుడ్ టాప్ హీరోలు రామ్‌చరణ్, ఎన్టీఆర్ ప్రధాన పాత్రల్లో రాజమౌళి తెరకెక్కిస్తున్న చిత్రం #RRR. అయితే ఈ ఆర్ఆర్ఆర్‌కు అర్థం ఇంకా చెప్పలేదు. దీంతో అటు మెగాభిమానులు, నందమూరి అభిమానులు, జక్కన్న అభిమానులు పలు పేర్లను సూచిస్తున్నారు. అంతే కాదు టైటిల్ మీరే చెప్పండంటూ అభిమానులకు ఓ పెద్ద పజిల్ కూడా పెట్టారు.

అయితే.. తాజాగా టీఆర్ఎస్ వర్కింగ్ ప్రెసిడెంట్ కేటీఆర్ ఈ #RRR కు సరికొత్త టైటిల్ పెట్టారు. ట్విట్టర్ వేదికగా అభిమానులు, కార్యకర్తలతో కేటీఆర్ మాటామంతి జరిపారు. ఈ సందర్భంగా పలువురు అభిమానులు కేటీఆర్‌పై ప్రశ్నల వర్షం కురిపించారు. ఈ సందర్భంగా ఆర్ఆర్ఆర్ ప్రస్తావన వచ్చింది. దీనికి సమాధానం చెప్పండి సార్ అని అడగ్గా ఆయన కాస్త వెరైటీగా సమాధానమిస్తూ నవ్వేశారు. "రీజనల్ రింగ్ రోడ్" అని చెప్పి కేటీఆర్ నవ్వేశారు. దీంతో నెటిజన్లు భలే చెప్పారు సార్ అంటూ కామెంట్ల వర్షం కురిపిస్తున్నారు. అవును ఒక పబ్లిక్ సర్వెంట్ ఈయన చేయాల్సిన పనులు ఇవేనంటూ పలువురు కామెంట్స్ చేస్తున్నారు.

కాగా ఈ ఆర్ఆర్ఆర్ సినిమాకు టైటిల్స్‌కు గాను ‘రఘుపతి రాఘవ రాజారాం’, ‘రామ రావణ రాజ్యం’, ‘రౌద్ర రణ రంగం’... ఇలా అనేక పేర్లను మెగా, నందమూరి ఫ్యాన్స్ సూచిస్తున్నారు.