క్ష‌ణం బాలీవుడ్ రీమేక్ లో స‌ల్మాన్..
- IndiaGlitz, [Wednesday,March 16 2016]
అడ‌వి శేషు హీరోగా నూత‌న ద‌ర్శ‌కుడు ర‌వికాంత్ తెర‌కెక్కించిన చిత్రం క్ష‌ణం. భారీ చిత్రాల నిర్మాణ సంస్థ పి.వి.పి నిర్మించిన క్ష‌ణం సంచ‌ల‌న విజయం సాధించిన విష‌యం తెలిసిందే. క్ష‌ణం సెన్సేష‌న్ టాలీవుడ్ నుంచి బాలీవుడ్ కి చేరింది. బాలీవుడ్ ద‌ర్శ‌కుడు సాజిద్ న‌డియ‌ద్వాల క్ష‌ణం చిత్రాన్ని బాలీవుడ్ లో రీమేక్ చేయాల‌నుకుంటున్నార‌ట. గ‌తంలో సాజిద్ ర‌వితేజ న‌టించిన కిక్ చిత్రం రీమేక్ రైట్స్ తీసుకుని స‌ల్మాన్ ఖాన్ తో సేమ్ టైటిట‌ల్ తో కిక్ సినిమా తీసారు.
తాజాగా స‌ల్మాన్ ఖాన్ తో కిక్ 2 తీసేందుకు స్ర్కిప్ట్ వ‌ర్క్ చేస్తున్నారు. ఇదిలా ఉంటే..సాజిద్ క్ష‌ణం చిత్రాన్ని బాలీవుడ్ లో స‌ల్మాన్ ఖాన్ తో చేయాలి అనుకుంటున్నార‌ట. క్ష‌ణం బాలీవుడ్ రీమేక్ గురించి వ‌స్తున్న వార్త‌ల గురించి అడ‌వి శేష్ ని అడిగితే..ప్ర‌స్తుతం బాలీవుడ్ రీమేక్ గురించి డిష్క‌స‌న్స్ జ‌రుగుతున్నాయి. కానీ..ఇంకా ఫైన‌ల్ కాలేదంటున్నారు. సో..అన్ని అనుకున్న‌ట్టు జ‌రిగితే బాలీవుడ్ లో స‌ల్మాన్ తో సాజిద్ క్ష‌ణం తీయ‌చ్చు.