சூர்யா-35 படத்தில் இணைந்த இரண்டு பிரபல நட்சத்திரங்கள்
- IndiaGlitz, [Saturday,September 10 2016]
சூர்யா தற்போது நடித்து வரும் 'சிங்கம் 3' படத்தின் படப்பிடிப்பு நிறைவடைய உள்ள நிலையில் அவருடைய அடுத்த படத்தின் ஆரம்பகட்ட பணிகள் சமீபத்தில் தொடங்கியது. சூர்யாவின் 35வது படமான இந்த படத்தை விக்னேஷ் சிவன் இயக்கவுள்ளதாக வெளிவந்த செய்தியினை ஏற்கனவே பார்த்தோம்.
இந்த படத்தில் நடிக்கும் நடிகர், நடிகைகள் மற்றும் தொழில்நுட்ப கலைஞர்களின் தேர்வு நடைபெற்று கொண்டிருக்கும் நிலையில் தற்போது இரண்டு பிரபல நட்சத்திரங்கள் இணைந்துள்ளனர். பிரபல இயக்குனர் கே.எஸ்.ரவிகுமார் மற்றும் சரண்யா பொன்வண்ணன் ஆகியோர்களே அந்த இருவர். இவர்கள் இருவரும் சூர்யாவின் பெற்றோர்களாக இந்த படத்தில் நடிக்கவுள்ளதாக கூறப்படுகிறது.
அனிருத் இசையமைக்கும் இந்த படத்தை ஸ்டுடியோக்ரீன் நிறுவனம் பிரமாண்டமாக தயாரிக்கவுள்ளது. இந்த படத்தின் படப்பிடிப்பு இம்மாத இறுதியில் தொடங்கும் என்றும் மிக விரைவில் இந்த படத்தின் நாயகி குறித்த அறிவிப்பு வெளிவரும் என்றும் கூறப்படுகிறது.